ОХУ “Үнийн тааз” мөрдөх улсуудад газрын тос нийлүүлэхгүй
Европын зөвлөлийн улсууд ОХУ-ыг эдийн засгийн хувьд сульдаахын тулд газрын тосонд нь 60 ам.долларын үнийн тааз тогтоосон талаар бид өмнө нь мэдээлсэн билээ. Тодруулбал, дээд үнийг зах зээлийн үнээс 5 хувиар бага байхаар тооцож, хоёр сар тутам шинэчилж байхаар болсон юм. “Үнийн тааз” тогтоох тогтоох энэ санаачилгыг Европын зөвлөлөөс гадна “Их долоо”, Австрали дэмжсэн.
Тэгвэл ОХУ үнийн тааз тогтоох шийдвэрийг дагаж мөрдсөн улсуудад газрын тос нийлүүлэхгүй гэж шийджээ. Мөн дээрх улсуудын эсрэг хариу арга хэмжээ авахаар хуулийн төсөл боловсруулж эхэлсэн байна. ОХУ-ын Ерөнхий сайдын орлогч Александр Новак өчигдөр энэ талаар мэдэгдэл хийсэн байна.
“Энэ арга нь зах зээлийн бус, олон улсын, жишээ нь Дэлхийн худалдааны байгууллагын дүрэм, хэм хэмжээг зөрчсөн” гэж тэрбээр мэдэгдэлдээ онцолсон байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.