Эрчим хүчний үнэ нэмэгдсэнээс Европын металлургийн үйлдвэрүүд эхнээсээ зогсож байна
Францын хөнгөн цагаан боловсруулагч “Dunkerque” фирм хүчин чадлаа 20 хувиар бууруулжээ. “S&P Global Commodity Insights” компанийн дотоод эх сурвалжаас аван энэ талаар мэдээллээ. “Dunkerque” үйлдвэр 264 тогооныхоо 53-ыг зогсоосон байна.
Хүчин чадлаа ийнхүү 20 хувиар бууруулсан нь эрчим хүчний үнийн өсөлттэй холбоотой болохыг “S&P Global Commodity Insights” онцолж, “Dunkerque” анхных биш гэдэг санааг дэвшүүлжээ. Тус фирм нэг МВт/цаг эрчим хүчийг 1 130 еврогоор худалдаж авч байгаа аж.
Өнгөрсөн есдүгээр сард МВт/цаг эрчим хүчний үнэ 625,44 евро байсан гэнэ. Металлургийн чиглэлд ажилладаг Румыний “Alro”, Нидерландын “Farmsum Damco Aluminium Delfzijl Cooperatie” (Aldel) зэрэг компаниуд мөн эрчим хүчний үнийн өсөлтөөс үүдэлтэйгээр хүчин чадлаа багасгажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.