“Катар 2022” хөлбөмбөгийн ДАШТ-ий Нидерланд-Аргентиний тоглолтын үеэр тус тоглолт болж байсан “Лусаил” цэнгэлдэх дэх хэвлэл мэдээллийн төвд сэтгүүлч нас баржээ. Талийгаачийг Грант Уол гэдэг, “CBS Sports” телевизийг төлөөлөн тэмцээн сурвалжлахаар Катарт очоод байсан гэнэ.
Тэрээр өмнө нь “Sports Illustrated”, “Fox Sports” зэрэг хэвлэл мэдээллийн байгууллагад ажиллаж, Дэвид Бекхэмийн номыг бичин олонд танигдсан нэгэн байжээ. Тэрээр хамгийн сүүлд тоглолтын нэмэлт цагт Виегхорстын оруулсан гоолыг мэдээлээд бие нь муудаж, ухаан алдсан аж. Эмч нар түүнд туслахыг оролдсон ч ухаан оролгүй байсаар нас баржээ.
Г.Уол өнгөрсөн пүрэв гарагт “Spotify”-н подкастад орохдоо бронхит нь хөдөлж байгаа тул орон нутгийн эмч нарт хэд, хэдэн удаа хандсан тухайгаа ярьж байсан гэнэ.
АНУ-ын хөлбөмбөгийн холбооноос уг хэрэгтэй холбогдуулан эмгэнэл илэрхийлсэн байна. Г.Уол энэ жил 48 настай байжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
жил нь орсым чинь аргагүй ээ хөөрхий