АНУ-ын Батлан хамгаалах яамны БНХАУ-ын асуудал хариуцсан ажилтан Майкл Чейз ойрын үед Тайваньд айлчлахаар болжээ. “The Financial Times” энэ талаар мэдээллээ.
Мэдээлэлд, Майкл Чейзийн айлчлалыг Тагнуулын зорилготой байж болзошгүй нисдэг биетүүдээс болж БНХАУ-тай харилцах харилцаа хүйтэрсэнтэй холбоотой гэж дурджээ.
Оны өмнө Конгрессийн төлөөлөгчдийн танхимын дарга Нэнси Пелоси Тайваньд айлчлахад хоёр улсын харилцаа хүйтэрч, хурц мэдэгдлүүдийг харилцан гаргаж байсан, энэ удаагийн айлчлалд Бээжин ямар хариу үйлдэл үзүүлэх нь анхаарал татаж байна.
Ерөнхийлөгч Жо Байден өчигдөр нисдэг биетийн асуудлын талаар мэдэгдэл хийхдээ “Ши Жиньпинтэй энэ асуудлаар утсаар ярина. Бид шинэ “Хүйтэн дайн”-ыг хүсэхгүй. Гэхдээ агаарын бөмбөлгийг нь устгасандаа уучлалт гуйхгүй. Харин ч тэмцэнэ” гэж онцолж байсан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хятад Пентагоных болчхоо юу?