“Cream Soda” хамтлагийг үүсгэн байгуулагч Ижил мөрөнд живж амиа алджээ
Оросын Cream Soda хамтлагийг үүсгэн байгуулагч Дмитрий Свиргунов Ижил мөрөнд живж амиа алджээ.
Тэрбээр өчигдөр Ярославскийн хязгаарын Диево-Городище 10 гаруй найзуудтайгаа хамт Ижил мөрний мөсөн дээр зугаацсан юм байна. Энэ үед мөс цөмөрч таван хүн мөсөн дооогуур урссаны нэг нь Дмитрий Свиргунов байсан аж. Усанд унасан таван хүнээс хоёрыг нь гаргаж амжсаны нэг болох эмэгтэй аврагдаж, 27 настай хөгжимчин Аристарх Ухтомский түргэний машинд нас баржээ.
Дмитрий, Свиргунов, 25 настай дүү Роман болон 29 настай Героргий Киселев нар сураггүй алга болсон бөгөөд арай хожуухан Дмитрий Свиргуновын цогцсыг олсон юм байна.
Д.Свиргунов “Cream Soda” хамтлагийг үүсгэн байгуулсан бөгөөд энэ хамтлаг нь “Никаких больше вечеринок”, “Плачу на техно” зэрэг дуугаараа алдартай аж. Тэрээр мөн Locked Club хэмээх техно хөгжмийн төсөл дээр ажиллаж байжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
МАШ ХАРАМСАЛТАЙ ЯВДАЛ БОЛЖЭЭ