Бразилийн Ерөнхийлөгч асан Жаир Болсонару АНУ-ын Флорида мужаас төрөлх Бразил руугаа ниссэн талаар хэвлэлээд мэдээллээ. Тэрбээр Ерөнхийлөгчийн сонгуульд Лула Да Сильвад ялагдсаныхаа дараа тангараг өргөх ёслолд ч оролцолгүйгээр эх орноо орхиж явсан юм. Үүний дараа Бразилд сонгуулийн үр дүнг эсэргүүцсэн үймээн гарч, иргэд Парламентын болон Ерөнхийлөгчийн ордон руу дайрч орсон хэрэг гарсан.
Сонгогдсон Ерөнхихйлөгч Лула Да Сильва уг хэргийн ард Жаир Болсонаруг байгаа гээд буруутай этгээдийг шийтгэнэ гэж амалж байсан юм.
Харин АНУ руу зугтан гарсан Жаир Болсонару энэ буруутгалыг үгүйсгэж ирсэн бөгөөд сая Флоридагийн нисэх буудлаас хөөрөхийнхөө өмнө “Бразилд очоод Лула Да Сильвагийн эсрэг сөрөг хүчнийг удирдахгүй” гэж мэдэгджээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.