Улаанбаатар хотод ирэх сарын 4-ний өдөр "DOTA2"-ийн олон улсын тэмцээн болно. Шагналын сан 330 сая төгрөг бөгөөд НЗДТГ хамтран зохион байгуулах юм байна. Энэ тухай хотын дарга Х.Нямбаатар,
"И-спортын салбар сүүлийн жилүүдэд хурдацтай хөгжиж, монгол залуучууд ч энэ салбарт хүчтэй өрсөлдөгч болон олон улсын түвшинд амжилт үзүүлж байна. Тиймээс НЗДТГ-ын зүгээс Монголын и-спортын холбоотой хамтран ирэх 11 дүгээр сарын 4-ний өдөр 100 мянган ам.долларын шагналын сантай MESA Invitational Fall 2024 тэмцээнийг Улаанбаатар хотноо DOTA2-ийн төрөлд зохион байгуулахаар боллоо. Европын шилдгүүдийг монгол залуучууд эх орондоо хүлээн авч өрсөлдөхөөр болж байна. Залуучууддаа амжилт хүсье. Нутгийнхаа дэвжээнд илүү эрч хүчтэй, урам зориг дүүрэн тоглож, амжилт үзүүлнэ гэдэгт итгэлтэй байна" гэлээ.
Д.УЛСАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.