Хятадын нүүрсний худалдан авалт өнгөрсөн жил дээд хэмжээндээ хүрсэн нь Австрали, Монгол зэрэг орноос хийсэн нийлүүлэлт их хэмжээгээр нэмэгдсэнтэй холбоотой юм. Харин Оросоос авах нүүрсний тээвэрлэлт багассан байна.
Хятадын нүүрсний эрэлт тогтворжиж эхэлсэн энэ үед Оросын зах зээлээс хуваалцах байдлаар Монгол Улс өмнөд хөрштэйгээ худалдааны эзлэх хувиа хадгалах, цаашлаад нэмэгдүүлэх хамгийн сайн боломж байж болох юм.
Хятадын нүүрсний импорт 2024 онд 14 хувиар өсөж 543 сая тоннд хүрсэн бол Австралийн нийлүүлэлт бараг 60 хувиар өссөн гэж даваа гарагт нийтлэгдсэн гаалийн мэдээлэлд дурджээ. Монгол Улсаас хийсэн экспорт 19 хувиар өссөн байна. Индонез Хятадын хамгийн том нийлүүлэгч хэвээр байгаа ч өнгөрсөн жилийн өсөлт харьцангуй бага дүнтэй байлаа.
Австралийн нүүрсний уурхайнуудад үүссэн энэхүү боломж нь Хятад, Австралийн хоорондын дипломат харилцаа сайжирсныг харуулж буй. Харин Бээжин, Москвагийн стратегийн харилцаа гүнзгийрсэн ч Оросын нүүрс хэт үнэтэй байгаа тул Хятад улс тэднийг сонирхох нь багасч, АНУ-ын шинэ хориг арга хэмжээнээс үүдэж Оросын нүүрсний экспортыг энэ жилд илүү бууруулах төлөвтэй байна.
Хятад улс гангийн үйлдвэрлэлдээ өндөр чанарын нүүрс хэрэглэдэг тул Монголын нийлүүлэгчдийг сонирхсоор байх болно
Монгол Улс Хятадтай хиллэдэг тул энэ давуу байдлаа ашиглаж, төмөр замын хил холболтыг хийж, экспортын гарцаа сайжруулахаар зорьж байна. Австралийн нүүрсний экспорт тархмал хэлбэртэй бол Монгол Улсын нүүрсний экспорт зөвхөн Хятадад төвлөрдөг. Энэхүү худалдааны урсгалын харьцангуй шинэ өөрчлөлт нь Хятадын нүүрсний импортын хэрэгцээ харьцангуй багасах үетэй давхцаж буй. Учир нь Хятадын дотоодын нүүрсний илүүдэл үнийг бууруулж, экспортлогчдын ашигт сөргөөр нөлөөлөх магадлал бий. Гэхдээ Хятад улс гангийн үйлдвэрлэлд ашигладаг өндөр чанарын нүүрсний хэрэглээ нь их хэвээр байгаа тул Австрали болон Монголын нийлүүлэгчдийг илүүд үзэхээс аргагүй юм.
Өнгөрсөн жил Монгол Улс өмнөд хөршийнхөө гангийн үйлдвэрлэлд зориулсан коксжих нүүрсний импортын 60 хувийг бүрдүүлсэн.
Хятадын төмөр замын стандартад нийцүүлэх асуудал нь шийдвэрлэгдэж, өнгөрсөн сард баталсан Монголынн парламентын тогтоолоор хилийн төмөр замын холболтыг сайжруулахыг дэмжиж, нүүрсний тээврийг хоёр дахин нэмэгдүүлэх боломжийг бий болгох гэж байна. Цаашид магадгүй Хятадын гангийн үйлдвэрлэл буурлаа ч Монгол Улс дулааны нүүрс нийлүүлэгчийн хувиар байр сууриа бэхжүүлэхэд голлон анхаарах боломжтой.
Эх сурвалж: Finance
Т.БАТСҮРЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хямдхан юм шиг ИЛҮҮД ҮЗЭЛГҮЙ ЯАХАВ,энэ чинь л хятад зан.
Монголын баялагыг хурдан дуусагвал амьдрах чадваргүй болношүүдээ бичигчээ
Ийм бодолтой байвал уулын мухарт ганцаараа очиж амьдарсан нь дээргүй юу,зочин гуай
Эхлээд чи хятад бараа хэрэглэхээ больчих
Монголчуудын шуналтай тооцоо мэдлэг муутай төр засаг нь авилгач болохоор тэр
Асар хямд бараг зүгээр өгч байгаа юм чинь ИЛҮҮД ҮЗЭЛГҮЙ ЯАХАВДЭЭ, шунал хятад , тэнэг шунал Монгол удирдагч гэх гарууд
Нүүрс шүтсэн МАХ - нам ичээсэй!!!
Яагаад гэвэл Монгол улсаас нүүрсээ үнэгүй авдаг юм чинь .Авилга өгөөд нүүрийг нь үнэгүй авдаг хятад арга .
OK.ene mash sain medeell baina
Хулгайч, авилгачдыг нь архины шавхруугаар худалдаж авахад амархан болохоор тэгнэ шдээ.