Төв аймгийн нутаг дэвсгэрт түргэний тэрэг автобустай мөргөлдөж, зургаан хүн газар дээрээ амиа алдаж, хоёр хүүхэд хүнд бэртсэн хэрэг /2025-03-11/-ны өдөр гарсан.
Тодруулбал, зам тээврийн ослын улмаас биедээ хүнд бэртэл авсан 7-14 насны хоёр хүүхэд ГССҮТ-д тус өдрөө хүргэгдсэн билээ.
Тус хоёр хүүхдийн биеийн байдлыг ГССҮТ-өөс тодруулахад "Долоон настай хүүхдийн хувьд баруун нүдний ухархай, хамрын баруун хэсэгтээ гэмтэл авсан. Харин 14 настай хүүхдийн хувьд цээжний битүү гэмтэл, олон хавирганы хугаралтай, дунд чөмөг, шилбэний хугаралтай ирсэн. Өнөөдрийн байдлаар 14 настай хүүхэд дунд чөмгөний хагалгаанд орж, хагалгааны дараах байдалтай байна. Долоон настай охины хувьд биеийн байдал тогтворжсон, энгийн тасагт шилжсэн байдалтай байгаа юм. Манай эмнэлгийн зүгээс шаардлагатай эмчилгээ, сувилгааг тасралтгүй хийж буй" хэмээн мэдээлэл өглөө.
О.ОНОН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зам, тээврийн яам ажлаа хийж байна уу