БНХАУ-ын Төрийн зөвлөлийн Дэд ерөнхийлөгч Хань Жэнс бямба гарагт НҮБ-ын Ерөнхий ассамблейн чуулган дээр үг хэлэхдээ АНУ-ын бодлогыг шүүмжилж, Персийн булангийн орнуудын бүрэн эрхт байдлыг хүндэтгэх ёстойг мэдэгдэв. Мөн Вашингтоныг Кубад заналхийлэхээ зогсоож, тус улсын эсрэг тогтоосон хоригийг цуцлахыг уриаллаа.
Хань Жэн үг хэлэхдээ АНУ-ын нэрийг шууд дурдаагүй байна. Гэхдээ АНУ Кубад шахалт үзүүлэх бодлого хэрэгжүүлж, улмаар тус арал руу газрын тос нийлүүлэх боломжийг ихээхэн хязгаарлаад байгаа. Мөн АНУ Израилын хүслээр Иран цохилт өгснөөр Персийн буланд дайн эхэлсэн билээ. Хань Жэний хэлсэн үг Трамп, Ши Жиньпин нарын Цагаан ордон дахь уулзалтын уур амьсгалаас эрс ялгаатай байв. Цагаан ордонд болсон хэлэлцээний үеэр Трамп Ши Жиньпинд Ираныг дэмжихгүй байхыг уриалжээ. Мөн БНХАУ дэмжлэг үзүүлэхгүй гэсэн баталгааг Ши Жиньпин АНУ-аас Хятадад суугаа Элчин сайд баасан гарагт мэдэгдсэн байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.