Мексик улсын нийслэл Мехико маш хурдацтай хөрсөнд сууж буй нь сансраас хүртэл ажиглагдах болжээ. НАСА-ийн радарын системийн зураглалаас үзэхэд Мехико хот сардаа 1.3 см газарт сууж байгаа аж.
Дэлхийн хамгийн том хотуудын нэг болох Мехиког усыг нь зайлуулсан нуурын ёроол дээр босгосон. 14-р зууны үед Азтекийн эзэнт гүрэн Техчочо нуурын гол байрладаг арал дээр нийслэл Тенохтиланаа барьж байсан юм. 15-р зуунд испаничууд Тенохтиланыг эзэлснийхээ дараа Техчочо нуурын усыг зайлуулж эхэлсэн байна. Үүний үр дүнд нуурын эргэн тойрны орчин хуурай, зөөлөн хөрстэй болжээ.
Мехико хотын доор томоохон хэмжээний гүний усны давхарга байдаг.Олон жилийн турш энэхүү гүний усыг хэт их шавхан хэрэглэснээс болж хотын хөрс газар руу шигдэн, суух болжээ. Гүний усыг ийнхүү хэт их олборлох нь хотыг суулгаж байгаагаас гадна усны хомсдолд хүргэж, Мехико хот ундны усгүй болох аюул нүүрлээд байна. Хот хурдацтай шигдэж буй асуудлыг шинээр баригдаж буй барилгууд улам дордуулж байгаа юм.
НАСА болон Энэтхэгийн Сансар судлалын байгууллагын хамтарч бүтээсэн NISAR хиймэл дагуулаас авсан шинэ зургууд хот сууж буй явдлыг нарийвчлалтай харуулжээ. “NISAR” нь дэлхийн гадарга дээр явагдаж буй нарийн төвөгтэй процессуудыг зураглах зорилготой бүтээгдсэн хиймэл дагуул юм. Тус хиймэл дагуул хөрс бага зэргээр суусан гэх мэт жижиг өөрчлөлтийг ч зураглах хүчин чадалтай. НАСА мэдээлснээр “NISAR” нь сансарт хөөргөсөн хамгийн хүчирхэг зураглалын системүүдийн нэг аж.
2025 оны аравдугаар сараас 2026 оны нэгдүгээр сарын хооронд, Мехико хотын доорх газрын хөдөлгөөнийг “NISAR” зурагласан байна. Үүнээс харвал хотын зарим хэсэг сард 2 см буюу жилд 24.13 см доошилжээ. Суулт хамгийн хурдан явагдаж буй хэсгүүдэд хотын гол нисэх онгоцны буудал болох Бенито Хуарес олон улсын нисэх онгоцны буудал гэх мэт байрлал багтсан байна.
Мехико хот газарт шигдэж байгааг анх 1920-иод онд баримтжуулсан юм. Тэр цагаас хойш зам хагарч, барилгууд хазайх гэх мэт хот хөрсөндөө шигдэж буй шинж тэмдгийг оршин суугчид ажигласаар ирсэн байна.
Хотын нэгэн алдартай хөшөөнөөс Мехико газарт сууж буйн нөлөө тод харагддаг. Мексик тусгаар тогтнолоо зарласны 100 жилийн ойг тэмдэглэхээр 1910 онд барьсан 35 метр өндөр Тусгаар тогтнолын сахиусан тэнгэр нэртэй хөшөөний доорх хөрс сууснаас болж сууринд нь 14 шат нэмж барьжээ.
Мехико шиг хөрсөндөө сууж буй олон арван хот дэлхий даяар бий. Дэлхийн эдийн засгийн чуулган 2019 онд мэдээлснээр зарим хот маш хурдацтай шигдэж байгаа учир 2100 он гэхэд Жакарта, Лагос, Хьюстон зэрэг 11 хот усанд автаж магадгүй байна.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хот тэр чигтээ жил бүр доошлоод байна гэхээр аймар юм аа
Mexico hotiig nuuriin deer barihsan geheer anhnaasaa ersdeltei bsan yum bn
Ундны усны төлөө хэт их олборлолт хийсний гор гарч байна даа
NASA-iin technology uneheer aimar yum aa iim jijig hudulguuniig hurtel harsan bh gej
Хүний хэрэглээ байгальтайгаа ингэж зөрчилдвөл эцэстээ хот хүртэл живдэг болж дээ
sar bolgon 1 cm suuna gedeg chin hedhen jiliin daraa mash tom asuudal bolno doo
ene bol zuvhun Mexico bish busad tom hotuudad ch anhaarah dohio yum bish uu
Хотын дэд бүтэц нь бүгд эвдэрч эхлэх байх даа аймаар
guni usaa heterhii ih ashiglahaар iim ur dagavartai bdgiig delхий даяар oilgoh heregtei
Мехикогийн хүмүүс өдөр бүр мэдэрч байдаг байх даа энэ өөрчлөлтийг
uneheer kino shig sonsogdoj bn hot ni buhlee gazar ruu orood bh shig
Хүн ам хэт төвлөрөхөөр байгаль даахаа больдог юм байна
nisekh buudal ni hurtel suuj bgaa geheer ayulgui baidal ni ih asuudaltai yum bn
Манайд ч гэсэн газрын доорх усаа замбараагүй ашиглавал ийм юм болохыг үгүйсгэхгүй
Б.Буяндорж сэтгүүлч нийтлэлчийн оронцог минь Мексикийн нийслэл газарт хурдацтайгаар суулт өгч байгаа нь хиймэл дагуулаас ажиглагдаж байна гээд биччих чадалгүй хэл гутаасан ллр вэ.
МАНАЙ МОНГОЛД АЙЛУУД ХАШААНДАА ХУДАГ ГАРГАХ НЬ ИХСЭЖ БАЙГАА .
Hatan tuul deeguur zam tavbal UB iiml yum bolno omhii hulgaichuud
Барилгууд нь хазайгаад эхэлсэн гэхээр хүмүүс яаж амьдардаг байна аа
Манайд Оюу толгой асар их гүний ус хэрэглэдэг гэсэн энэний адил доошоо суух байх да