Рок дуучин найзаа хөнөөсөн хэргээр 1993 онд буруутгагдсан америк эрэгтэй олон жилийн дараа баривчлагджээ
1993 онд рок дуучин найзаа хөнөөсөн хэрэгт буруутгагдсан америк эрэгтэй 30 жил гаруй хууль сахиулах албаныхнаас зугтсаны эцэст Төв Америкаас баригджээ. АНУ-ын Маршалын алба мэдээлснээр “Cold as Life” хамтлагийн дуучин Родни Баржерийг хөнөөсөн хэрэгт холбогдуулан эрэн сурвалжлагдаж байсан Ричард Верстинийг Панамаас барьсан аж.
Дуучин Родни болон Ричард нар хамт амьдардаг, дотнын найз байжээ. 1993 оны есдүгээр сарын 15-нд Родни Детройд дахь гэртээ унтаж байхдаа буудуулж нас барсан байна. Түүнийг Ричард буудаж хөнөөсөн гэж хууль сахиулах албаныхан үзэж байгаа юм. Одоо 56 настай Ричард дөрөвдүгээр сарын 29-нд Панама улсын Панама хот дахь нохой салхилуулах парк дээр баривчлагджээ. Албаныхан хэлснээр түүнийг баривчлах үед тэр хуурамч бичиг баримттай байсан ч хуруу хээг нь шинжилж үзэж түүнийг Ричард мөн гэж баталсан юм.
Хэрэг гарснаас хэдэн хоногийн дараа Детройдын цагдаа нар Ричардыг баривчилсан ч албаныхан мэдээлснээр тэр шүүх хурал дээр ирээгүй байна. Үүнтэй холбогдуулан 1994 оны зургаадугаар сард түүнийг баривчлах тушаал гарч байжээ.
Эх сурвалж: The Guardian
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Найруулга ямар муу бичсэн байна, дахиад бичих хэрэгтэй
Гарчиг ойлгодоггүй ээ. Нас барсан найз нь рок дуучин байсан юм уу. Өөрөө рок дуучин залуу байгаад найзаа хөнөөчихсөн юм уу