УНТЭ-ийн Ерөнхий захирал П.Анхтуяагийн албан өрөөнд нэгжлэг хийж, баривчиллаа
Авлигатай Тэмцэх Газраас арваад хүний бүрэлдэхүүнтэй ажлын хэсэг Улсын нэгдүгээр төв эмнэлэг дээр ажилласан байна.
Тус шалгалтын үеэр УНТЭ-ийн Ерөнхий захирал П.Анхтуяагийн албан өрөөнд нэгжлэг хийж, улмаар түүнийг баривчлан, үргэлжлүүлэн шалгахаар авч явсан байна. П.Анхтуяаг Эрүүл мэндийн яамны (ЭМЯ) Төрийн нарийн бичгийн даргаар ажиллаж байсан Д.Очирбат томилуулсан гэгддэг. Д.Очирбат нь саяхныг хүртэл тус яамны Төрийн нарийн бичгийн даргын албан тушаалыг хашихаас гадна, Улсын нэгдүгээр төв эмнэлгийн Төлөөлөн удирдах зөвлөлийн (ТУЗ) даргаар давхар ажиллаж байжээ.
Уг хэрэгт зөвхөн ерөнхий захирал бус, түүний удирдлагын баг бүхэлдээ холбогдоод байна. Одоогийн байдлаар, Захирлын ажлын албаны дарга Ц.Амаржаргал, Мэс заслын эмч С.Отгонбаяр нарыг мөн уг хэрэгт холбогдуулан шалгаж эхэлсэн гэх мэдээлэл байна. Мөрдөн шалгах ажиллагаа явагдаж байна.
УНТЭ-ийн Ерөнхий захирал П.Анхтуяагийн хамгийн сүүлд мэдүүлсэн ХОМ
- Өөрийн орлого: 36 сая
- Гэр бүлийн орлого: 34 сая
- Нийтийн орон сууц 1, авто зогсоол 1: 380 сая
- Toyota Kluger маркийн автомашин 1: 45 сая
- Нохой-1, Хонь-10: 5 сая
- Гурван газартай: 30 сая
- Үнэт эдлэл: 270 сая
- Хадгаламж: 16 сая
- Авлага: 40 сая
- Зээл: 108 сая
Хамт шалгагдаж буй УНТЭ-ийн Захирлын ажлын албаны дарга Ц.Амаржаргалын ХОМ
- Өөрийн орлого: 64 сая
- Гэр бүлийн орлого: 30 сая
- Нийтийн орон сууц 2: 350 сая
- Адуу-13: 11.5 сая
- Нэг эзэмших газартай: 5 сая
- Үнэт эдлэл: 12.3 сая
- Хадгаламж: 30 сая
- Зээл: 121 сая
Бид тус хэргийн талаар эргэн мэдээлсээр байх болно.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.