Баянхонгор аймаг байгуулагдсаны 85 жилийн баяр наадмын хүчит бөхийн барилдааны дөрвийн даваанд Улсын начин Д.Цэрэнтогтох Аймгийн арслан Д.Ням-Очирт өвдөг шороодож тахимаа өгөхдөө учраа бөхөө тохиолдсон нь дүрс бичлэг цахим орчинд тархсан. Түүний "Барилдах эрхийг хасах хэрэгтэй" хэмээн бөх сонирхогч иргэд харьяа холбоонд нь шаардлага тавьж эхэлсэн.
Энэ талаар МҮБХ өөрийн цахим хуудсандаа "Баянхонгор аймгийн баяр наадмын бөхийн барилдаанд тахим авахдаа учраа бөхөө санаатайгаар тохойлдсон улсын начин Д.Цэрэнтогтохын барилдах эрхийг МҮБХ-ны Ёс зүй, сахилга хариуцлагын зөвлөлөөс түр түдгэлзүүлсэн байгаа болно. Ёс зүйн дүрмийн дагуу зөрчил гаргагч тайлбар гарган өгөх ба хариуцлагын хугацааг Ёс зүйн зөвлөлийн хурлаар хэлэлцэн олонхын саналаар тогтооно" хэмээн нийтэлжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.