“Урьханы” гэх Б.Чинбат нь тэтгэвэртээ суусан хурандаа нартай нийлж бизнесийн хамтрагчаа гүтгэдэг"
“Урьханы” гэх Б.Чинбат нь хамтарч ажиллах нэрийдлээр бусдын бизнес, хөрөнгийг хууль бусаар завших, улмаар нөлөө бүхий албан тушаалтнуудын нэрийг ашиглан халхавч хийж, эрүүгийн хэрэг үүсгэн шалгуулах, дарамт шахалт үзүүлж буй асуудлын талаар өмгөөлөгч н.Оюунбилэг өнөөдөр “Монгол Ньюс” мэдээллийн төвд мэдээлэл хийлээ.
Тэрбээр "Урьхан" Б.Чинбат нь хамтран ажиллах гэрээгээ зөрчиж бизнесийн хамтрагчаа увайгүй гүтгэж хуулийн байгууллагат өгдөг. Миний мэдэхээр гурван ч бизнесийн хамтрагчаа Цагдаад өгч шалгуулсан. Учир нь Б.Чинбат нэр бүхий хөрөнгөлөг хурандаа нараар өөрийгөө хүрээлүүлж "би хуулийн байгууллагыг гартаа оруулсан" гэх зүйл ярьдаг.
Б.Чинбат нь "Хамтын эх булга" гэх компанитай 2020 оноос хойш алтны уурхай дээр хамтарч ажиллаж ашгаа 70 хувь болон 30 хувиар хүртэх гэрээ байгуулсан байдаг. 2020 оны гэрээндээ өөрчлөлт оруулж 2025 онд ахин гэрээ байгуулсан. Энэ хугацаандаа 400 гаруй кг алт олборлосон. Гэвч бизнесийн хамтрагчаа гүтгэж Цагдаагийн байгууллагад өгсөн. Улмаар цуцалсан "2025 оны гэрээг үргэлжлүүлэн хийж ажиллахгүй бол чамайг торны цаана суулгана" гэх сүрдүүлдэг.
Манай хууль хяналтын байгууллага хэргийг шалгахдаа хуулийн дагуу прокурорын зөвшөөрөлтэй ажлаа хийх хэрэгтэй. "Хамтын эх булга" гэх компани албан ёсны лицензтэй Булган аймгийн Бүрэгхангай суманд байрлах алтны уурхайд хойшлуулшгүй ажиллагааг долоо хоногийн зайтай хоёр удаа явуулахдаа прокурорын зөвшөөрөл аваагүй. Б.Чинбат 400 кг гаруй алт олборлохдоо сүүлийн 207 кг алт олборлосны АМНАТ-өө төлөөгүй. Гэрээгээр олборлосон алтаа зөвхөн Монгол Банканд нийлүүлэхээр тусгасан ч 207 кг алтаа өгөөгүй.
Мөн гэрээлсэн талбайдаа олборлолт явуулаагүй учраас хамтран ажиллах гэрээгээ "Хамтын эх булга" компани цуцалсан байдаг. Гэтэл Б.Чинбат "ахиж надтай гэрээ байгуулахгүй бол торны цаана суулгана" гэж дарамталсан. Мөн "чи гэрээ байгуулах юм бол шалгагдаж байгаа хэргүүдийг чинь хааж өгнө" гэсэн амлалт өгдөг. Б.Чинбат нь тэтгэвэртээ суусан хурандаа нартай хамтран ажиллаж хуулийн байгууллагаар далайлгаж бусдыг дарамталдаг. Б.Чинбат нь 6.8 га талбайд хууль зөрчиж алт олборлочхоод хамтрагчаа гүтгэсэн. Үүнийг бол хууль хяналтын байгууллага шалгаж тогтоох байх. Энэ асуудлаар "Хамтын эх булга" компани гомдол гаргахаар хүлээж авч шалгадаггүй. Харин Б.Чинбатын гомдлыг бол хурдан шуурхай шалгадаг" гэсэн юм.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.