Ирэх арванхоёрдугаар сард "Их 20"-ийн уулзалт АНУ-ын Флорида мужийн Майами хотод болно. Тэгвэл АНУ тус уулзалтад ОХУ-ын Ерөнхийлөгч Владимир Путинийг оролцохыг Доналд Трампын захиргаа урьжээ. Наймдугаар сарын 31-нээс есдүгээр сарын 1-ний хооронд "Их 20" орны сангийн сайд нарын уулзалтыг АНУ зохион байгуулахдаа ОХУ-ын төлөөллийг оролцуулсан нь Европын холбоотнуудыг цочирдуулсан явдал болсон юм. Тэгвэл Трампын захиргаа Путинийг Их 20-ын дээд хэмжээний уулзалтад оролцохыг урилаа.
Кремлийн энэ талаар мэдэгдэл хийхдээ Вашингтоноос урилга явуулсанд талархаж буйгаа илэрхийлж, оролцох эсэхээ авч үзнэ гэжээ. Тодруулбал Кремлийн хэвлэлийн төлөөлөгч Дмитрий Песков мэдэгдэл хийхдээ “ОХУ энэхүү урилгад талархаж, өндрөөр үнэлж буйгаа хэлмээр байна. Бид оролцох эсэхийг авч үзэж, дипломат сувгаар харилцан шийдвэрлэх болно” гэсэн байна. Путин, Трамп нар хамгийн сүүлд 2025 оны наймдугаар сард Алска мужийн Анкориж хотод уулзсан билээ. Энэ нь сүүлийн арав гаруй жилд Путин АНУ-д анх удаа айлчилсан тохиолдол болсон юм.
Эх сурвалж: The Moscow Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.