Б.Мөнхтамир: Хятад, Сингапур, Малайз, Солонгос улсуудаас шатахуун авах хэлцэл "эд" хийгдэж байна
Энгийн АИ-92 автобензиний үнэ нэмэгдсэн болон цаг үеийн асуудлаар АҮЭБЯ-наас өнөөдөр мэдээлэл хийлээ. Энэ үеэр салбарын дэд сайд Б.Мөнхтамир "Өнөөдрөөс эхлэн шатахуун импортлогч ААН-үүд АИ-92 автобензиний үнийг ₮500-550 орчмоор нэмсэн байна. Энэ нь ОХУ-ын нефтийн үнэ өссөнтэй шууд холбоотой. Учир нь энэ сард ирэх шатахууны нийлүүлэлт өнгөрсөн сарын нийлүүлсэн үнээс $190 өсөж ирсэн учраас үнэ нэмэгдэж байна.
Видео үзэх бол:
Монгол Улсыг шатахуунаар таслахгүй байх нь нэн тэргүүний чухал ажил болоод буй. Тиймээс бид урд хөрш болон гуравдагч хөршөөс шатахууны авах ажил хэлэлцлийн шатандаа явж байна. Тухайлбал, Хятад, Сингапур, Малайз, Солонгос улсуудаас шатахуун авах хэлцэл "эд" хийгдэж, яригдаж байна. Оны сүүл буюу 11, 12-р саруудад шатахууны нөөц багасах эрсдэлтэй байгаа учраас дээрх улсуудаас шатахуун авах ажлыг эрчимжүүлж байгаа.
Одоогоор ШТС-уудад дараалал их байгаа. Тиймээс бид энэ долоо хоногийн сүүл, ирэх долоо хоногийн эхэн гэхэд Улаанбаатарт үйл ажиллагаа явуулж байгаа 264 ШТС-уудыг шатахууны үлдэгдлийн мэдээллийг гаргадаг болно. Мөн бензин бууж байгаа мэдээллийг benzin.mn сайтаар иргэд цаг алдалгүй авдаг болох юм.
Б.САНАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.