Оюутолгойн ногдол ашгийг юунд зарцуулахыг иргэдийн саналаар шийднэ
Монгол Улсын Засгийн газар "Рио Тинто"-гоос авах ногдол ашгийг 2027 оны төсвийн төсөлд тусгаад буй. Ногдол ашиг авах асуудлаарх талуудын ажлын хэсгийн хэлэлцээр үргэлжилж байгаа бөгөөд ₮3 их наяд төгрөгөө юунд хэрхэн зарцуулах тухайд "E-Mongolia"-гаар нээлттэй санал асуулга явуулж, иргэдээр эцэслэн шийдүүлэхээ манай Засгийн газрын тэргүүн мэдэгдсэн. Энэхүү санал асуулгыг маргаашаас эхлүүлэхээр Засгийн газрын хуралдаанаар эцэслэн шийдвэрлэх юм байна.
Засгийн газар ₮3 их наядын ногдол ашгийн ₮1их наядыг нь Үндэсний баялгийн санд хуримтлуулж, үлдсэн ₮2 их наядыг эрчим хүчний төслүүд, боомтын шинэчлэл, аж үйлдвэрийн парк, боловсролын салбарт зарцуулахаар төлөвлөөд байсан.
Харин УИХ дахь АН-ын бүлгийн гишүүд "Үндэсний баялгийн сангийн тухай хуулиар төрийн өмчит компанийн ногдол ашгийг зөвхөн иргэдийн нэрийн хуримтлалын дансанд байршуулах ёстой. Энэ нь нэг иргэнд 835 мянга орчим төгрөг ногдоно гэсэн үг" хэмээн байр сууриа илэрхийлж буй. Ямартай ч одоо иргэдээр шийдүүлэхээр төлөвлөсөн ногдол ашгийн зарцуулалтын санал ийм байна.
- Иргэн бүрийн хуримтлалын данс
- Дулааны VI цахилгаан станц: "ДЦС-3"-ын дэргэд 300 МВт хүчин чадалтай
- Есөн аймгийн Дулааны станцыг дуусгах, үүний 30 хувийг ногдол ашгаас санхүүжүүлэх
- Малын эм, вакцины үйлдвэр, арьс шир боловсруулах үйлдвэр
- Зургаан бүс тус бүрд Кэмбрижийн хөтөлбөртэй хоёр сургууль, нэг төрөлжсөн ахлах сургууль
- Хоёр боомтын шинэчлэл
Г.САНСАР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.