УЛС ТӨР

Х.Баттулга: УИХ-ын сонгуулийг хойшлуулж, түүнд зарцуулах мөнгийг хэмнэе

Монгол Улсын Ерөнхийлөгч Х.Баттулга өнөөдөр ард түмэндээ хандан  зургаан зүйл бүхий уриалга гаргалаа.

“Сүүлийн үед коронавирусний тахал, нефтийн үнийн уналт, дэлхийн санхүүгийн зах зээлийн уналтаас үүдэн эдийн засагт даяар хямрал нүүрлэн ирлээ гэж дэлхийн бараг бүх эдийн засагчид дүгнэж, Засгийн газрууд нүүрлэн буй хямралын цохилтыг зөөлрүүлэх, даван туулахад бүхий л хүч анхаарлаа тавьж эхлэв.

Бидний мэддэг, дасал болсон эдийн засгийн даяар систем маш богино хугацаанд танигдахын аргагүй өөрчлөгдөж эхэллээ. Орчин үеийн дэлхийн эдийн засаг цоо шинэ асуудалтай тулгарсан ба энэ нь дэлхийн үйлдвэрлэлийн хэмжээ хүн амын худалдан авах боломжоос хэт даван гарсан явдал аж.

Олонх аналитикууд 2020 оны зун, намраас дэлхийн эдийн засагт бодит секторын хямрал болж, нэлээд удаан үргэлжилнэ гэж үзэж байна. Дэлхийн бүх улс орнууд хямралд бэлтгэж эхэллээ.

Өнгөрсөн зууны 80-аад онд бүрэлдэж бий болсон эрэлтийг урамшуулдаг систем ажиллахаа больсон байна. Үүний улмаас хүн амын эрэлтийг хязгаарлах механизм, үүний дотор хорио цээрийн улмаас хамгийн эхлээд дэлхийн эдийн засгийн болон тээврийн ложистик систем эвдрэх аж. Үүний улмаас ХХ зууны 30-аад онд АНУ-д болсон “Их хямрал” (депресси)-тай дүйцэхүйц нөхцөл байдал үүснэ гэж мэргэжилтнүүд санал нэгтэй дүгнэж байна.

Нүүрлэн буй эдийн засгийн даяар хямрал түүхий эдээ экспортлох баримжаатай, “либерал хандлагатай” эдийн засагт илүү хүндээр тусна гэсэн зарим мэргэжилтний дүгнэлт манай Монголд туйлын их хамаатай.

Коронавирусний тахлын эсрэг бид одоохондоо чамгүй сайн тэмцэж байгаа боловч үнэнийг хэлэхэд энэ арга хэмжээнд асар их мөнгө урсгаж байна. Нөхцөл байдал энэ хэвээрээ удвал манай эдийн засаг энэ их ачааллыг удаан даахгүй нь ойлгомжтой. Үүний дээрээс дэлхий даяар хямрал болж, эдийн засгийн болон ложистик систем эвдэрч, эрдэс баялаг, түүхий эдийн эрэлт буурах аваас юу болохыг төсөөлөхөд бэрх.

Иймээс Би Монгол Улсын Ерөнхийлөгчийн хувьд улс нийтээрээ гарцаагүй нүүрлэн ирсэн даяар хямралд бэлтгэж, түүнийг даван туулах цогц арга хэмжээг яаралтай төлөвлөж, хэрэгжүүлж эхлэх нь зүйтэй хэмээн үзэж энэ уриалгыг гаргаж байна.

Хэрэв бид эдийн засгаа хямралын нөхцөлд зохицуулан зөв зохион байгуулж чадвал түүнийг гарз хохирол багатай даван туулах баялаг, хүн хүч, хөрөнгийн нөөц хангалттай байгаа гэдгийг онцлон дурдаж байна. Манай улсад бусад оронд болдог шиг юу юугүй өлсгөлөн, гачлан болохгүй гэдэгт би итгэлтэй байна. Хэдий ийм ч бид бүхэн Монголын буяныг хямгадах, хэмнэх, зохистой зарцуулах цаг ирж байна.

Хямрал хаяанд ирээд хаалга тогшиж байхад манай улс төрийн намууд ямар ч тооцоо судалгаагүй атлаа сонгуулийн том том мөнгөн амлалт өгч байгаа нь оргүй худлаас гадна тэд цаг үеэ огт мэдрэхээ байсны баттай шинж мөн. Манай улс төрийн намууд хийгээд түүний бараг бүх удирдагчид “улс төрийн хямрал нүүрлэсэн” гэж дүгнэсэн нь саяхан. Эдүгээ улс төрийн хямрал дээр эдийн засгийн даяар хямрал нэмэгдэж, давхар хямрал нүүрлэсэн нөхцөлд манай улс төрийн намууд амлалтын биш, хямралыг даван туулах хөтөлбөр гаргах нь зүйтэй. Намайг улс төрийн реформ хийнэ гэхэд намууд дургүйцэж байсан алдаагаа дахин давтахгүй гэж найдаж байна.

Нэн түрүүнд дараах арга хэмжээ авах нь зүйтэй гэж үзэж байна:

НЭГ: Юуны өмнө улсын төсөвт тодотгол хийж, сонгуульд зориулсан болон тэвчиж болох бүх зардлыг танаж, үүнээс гарсан мөнгийг хямралын эсрэг арга хэмжээнд зарцуулах.

ХОЁР: Энэ удаагийн УИХ-ын сонгуулийг хойшлуулж, түүнд зарцуулах хөрөнгө мөнгийг хэмнэх.

ГУРАВ: Хямралын үед хамаг хүндрэл бэрхшээлийг үүрэн гарах үйлдвэр, аж ахуйн нэгж, хувиараа хөдөлмөр эрхлэгчдийг дэмжих “Хямралын эсрэг” тусгай сан бүрдүүлэх, түүнийг зарцуулах дүрэм журам боловсруулах.

ДӨРӨВ: Нийт иргэд, ялангуяа хүүхдийн амьжиргааны түвшинг хэвээр хадгалах, тэтгэх, ажилгүйдлийг бууруулах, түүнээс ирэх цохилтыг зөөлрүүлэх, иргэдээ наад захын хэрэгцээт зүйлсээр тасралтгүй хангах арга хэмжээний төлөвлөгөө боловсруулах.

ТАВ: Энэ асуудлыг Үндэсний Аюулгүй байдлын Зөвлөлөөр хэлэлцэж, хямралд бэлтгэж, түүнийг даван туулах эрдэмтэн мэргэжилтнээс бүрдсэн цомхон бөгөөд чадварлаг комиссыг (хороо) нэн яаралтай байгуулж, ажлын төлөвлөгөө, хуваарь гаргах.

Зургаа: Хямралын нөхцөлд зохицуулан төрийн удирдлагыг төвлөрүүлэх. Ташрамд дурдахад, энэ бол дарангуйлал огтхон ч биш, зайлшгүй авах шаардлагатай арга хэмжээ юм.

Би ард түмнээ хямралаар айлгаж байгаа юм биш. Харин гарцаагүй нүүрлэн ирсэн аюулыг сөрөн зогсох, хохирол багатай даван туулах тухай бодит үнэнийг л ярьж байна.

Аливаа хямралыг зөвхөн хар амиа бодож, ганц ганцаараа даван туулах гэвэл их эндүүрэл байдгийг дэлхийн түүх харуулдаг. Хямралыг даван туулах цорын ганц арга нь эв нэгдэлтэй, зохион байгуулалттай, сахилга хариуцлагатай, төвлөрсөн удирдлагатай байж, бүх нийтээрээ хүчээ нийлүүлэн хамтран ажиллах явдал мөн. Наад зах нь манай иргэд тансаг зүйлийн хэрэглээгээ багасгаж, хэрэглээгээ зохистой бага түвшинд хэсэг хугацаанд барихад л асар их хөрөнгө хэмнэж болно.

Хямралыг даван туулах тухай эл асуудлыг ойрын хугацаанд УИХ, Засгийн Газар, Үндэсний Аюулгүй байдлын Зөвлөлөөр ярьж шийдэж болно, тэгэх ч байх. Гэхдээ ийм том, ноцтой асуудлыг ард түмэндээ дуулгахгүй хийх нь тун зохисгүй явдал гэж үзсэний учир энэ уриалгыг гаргаж байна.

Бид бүхэн хамтдаа хүндрэл бэрхшээлийг даван туулж чадна!

Мөнх тэнгэрийн хүчин дор Монголын уудам нутагт эрүүл энх, элэг бүтэн амьдрал өнөд оршиг ” гэжээ.

Эх сурвалж: Ерөнхийлөгчийн хэвлэлийн алба

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

25
СЭТГЭГДЭЛ

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

avatar
240
23 Сэтгэгдлүүд
2 Сэтгэгдлүүдийн хуриултууд
0 Дагагч
 
Топ сэтгэгдэл
Халуухан сэтгэгдлийн хэсэг
Шинэ Хуучин Шилдэг
Зочин
Зочин

Мөнгө хэмнэх зөндөө арга байна, ИХн 76, сайд, дарга нарын замбараагүй тансаглалыг танах- бензин, утас датагийн хэрэглээ, өрөө тасалгааны засвар, томилолт, сургалтын г.м зардлуудыг танах

Зочин
Зочин

Сургалтын төлбөрийн зээлээ төлөөгүй бултаад байгаа төрийн томчуудын үр зулзагнуудын төлбөрийг төлүүлэх, ЖДҮгээс мөнгө саасан эрхмүүдээс төрийн хохиролыг барагдуулах,

зочин
зочин

цахимаар хий хулгайчдаасаа салмаар бна ,алсан хөрөнгөө хурдан олж авъя

Зочин
Зочин

Эцэст нь ард түмэн чинь тансаг хэрэглээтэй биш ээ, тансаг хэрэглээтэй хүмүүс чинь төрөөс баяжсан хулгайч эрх шар муужгайнууд чинь, тэднээс хулгайлсан юмнуудыг нь гаргуул, тэдний тансаглалыг нь болиул

Зочин
Зочин

2 юмуу 3сар л хойшлуулбал яадаг юм гэхээс, арай ч нэг жил гэвэл яршиг байна.

Зочин
Зочин

амласан хонио өгөөч ээ сонгуулиар худлаа шаадаг шигээ бодоод байна уу

Гану
Гану

Цаад санаа нь арай өөр байна уу, үгүй юу

Зочин
Зочин

явган хуний замыг жил бур сольдогоо болиоч ээ

Зочин
Зочин

Дарангуйлагч болох нь

Зочин
Зочин

Сонгуульд их хүч хөрөнгө анхаарал тавих тул энэ халдварын эгзэгтэй үeд бол эрсдэлтэй . Харин одоогийн ИХ -ыг иргэд тараахыг хүсч байна. Засгийн газрыг яах талаар шийдвэр даруй гарах ёстой юм байна. Сонгуулийг хэт хойшлуулах онцгүй

Зочин
Зочин

Бэлэн мөнгө тарааж болохгүй. Талон тараах хэрэгтэй. Бэлэн мөнгө тараавал иргэд банкны зээлэнд өгчихнө

Зочин
Зочин

Сонгууль хойшлуулж мѳнгийг нь хэмнэхдээ ч яахав дээ. Тархи нь яаж ажиллаад байгаа юм. Ийм хүнийг ерѳнхийлѳгчѳѳр тавьдаг бид ч гэж халуухан ард түмэн дээ, зайлуул.

Зочин
Зочин

Хуцдаг хулгайч шүү

Xuuhgf
Xuuhgf

зөв л бичиж байна. харин чи юу бичээд бн эсвэл 3-5 сая амладаг нь уу

Зочин
Зочин

Энэ чинь санаа шүүдээ хэлж ярьж байгаагаа жоохон бодож хэлж байгаа ч

Зочин
Зочин

Зөв. Их хурлын сонгууль хийж хөрөнгө үрэхээ больж их хурлыг тараах, түүний оронд нь засгийн газрын дэргэд 10 орчим хүний бүрэлдхүүнтэйонцгой комисс байгуулан ажиллуулах хэрэгтэй байна.

Зочин
Зочин

Цахимаар хийвэл бүр ч луйвар боллоо гээд бүр дөвчигнөх байлгүй .Сонгууль бүрд л будлиантай боллоо гээд байдаг улс чинь .Хойшлуулсан нь зөв өө.

Дэнсээ
Дэнсээ

Уг нь тэгмээр байгаа ч одоогийн ихэнх гишүүдийг маргааш ч хамаагүй зайлуулмаар байна. Нэг хоног ч илүү эрх мэдэлтэй байлгамааргүй новшнууд.

Зочин
Зочин

Уг нөхцөл байдлыг бодохоор хойшлуулмаар энэ 76г дахин харна гэхээр дургүй хүрээд яадаг бил ээ? Эргэлзээд байна аа

Зочин
Зочин

Доор бичсэн хүнтэй санал нэг байна. Тансаг хэрэглээ утгаа алдсан.

Zochin
Zochin

IIM HUND HETSUU TSAG UED SONGUULID TSATSDAG MONGOO ARD TUMNEE DEMJEECH. ZOV.

Uurchlult uuruusuu
Uurchlult uuruusuu

UIH-n songuuliin mungu hemenlee geed hediig l hemnehew dee. Ternees ta uuriinhuu ulsaas hulgailsan, deeremdsen tumur zamiin mungu geh metee ugchuul, JDU-n luivarchin gishuudiig hariutslaga tootschuul ter songuuliin hedhen termbum yu ch bish

Зочин
Зочин

Eрөнхийлөгч офшшорын 17 тэрбум долларыг оруулж ирнэ гэж сонгогдсон биз дээ Одоо л тэр мөнгийг оруулж ирэх хэрэгтэй

Зочин
Зочин

Ерөнхийлөгчийн үг зөв Өвчнийг эмчлэх европ болоод уламжлалт чиглэлээр эмч нарын эмчилгээ боловсруулах хороо байгуулах сонгуульд төлөвлөсөн мөнгийг эмчилгээнд нөөцлөх Тусгаарлах байрыг хотоос гаргах Ерөнхийлөгчийн дэргэдэх хороотой бх

zochin
zochin

ҮГҮЙ

Back to top button