НийслэлийнНалайх дүүргийн 2 дугаар хорооны “Задгай”-д 3 давхар барилга дээр интернетийн шугам сүлжээ засварлаж байсан нэг хүн цахилгааны хүчдэлд цохиулсан байна.
Энэ тухай дуудлагыг зургадугаар 03-ны өдрийн 17:38 цагт хүлээн авчээ. Дуудлагын дагуу тус дүүргийн Онцгой байдлын хэлтсийн алба хаагчид 1 км зам туулан 17:40 цагт очсон байна.
Тодруулбал “Мэдээлэл холбооны сүлжээ” ХХК-ийн ажилтан 32 настай эрэгтэй Ц нь Стар зоогийн газрын 3 давхар барилга дээр интернетийн сүлжээ засварлах явцдаа 35 кВ-ын цахилгаан дамжуулах агаарын шугамд хүрсний улмаас баруун хөлийн сарвуу, баруун гарын шууны хэсгээрээ түлэгджээ. Түүнийг эсэн мэнд буулгаж, дүүргийн Эрүүл мэндийн төвд хүргэж өгсөн байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.