НИЙГЭМНийгэм мэдээ

ББСБ-уудын сарын зээлийн хүү 4.5 хувиас хэтэрвэл тусгай зөвшөөрлийг нь цуцлах шийдвэр хэрэгжиж эхэллээ

Монгол Улсад банк бусын зээлгүй хүн "нүдний гэм" болоод нэлээд жил болж байна. Ингэж хэлсний учир "Өнгөрсөн онд Банк бус санхүүгийн байгууллага болон цахим зээлийн аппликейшний давхардсан тоогоор тооцсон харилцагчийн тоо 4.1 саяд хүрсэн" гэх албан мэдээ байна. Өнөөдөр дундаж амьдралтай гэр бүлийн нэг гишүүн ББСБ-ын зээлтэй. Өөрөөр хэлбэл, зээлээс зээлийн хооронд, цалингаа буухаар банк бусын зээлээ төлөөд ахин зээл авдаг систем. Үнэн хэрэгтээ иргэдийн амьдрал өнөөдөр ийм л байгаа.

ББСБ-ууд бол шуудхан хэлэхэд "мөнгө хүүлэгчид". Тэд иргэдэд өндөр хүүтэй мөнгө зээлдэг ашгийн төлөө байгууллага. Угтаа 2025 онд ББСБ-ууд сарын зээлийн хүүг 4.5 хувиас хэтрүүлэхгүй байхаар шийдвэрлэсэн байдаг. Гэтэл санхүүгийн зохицуулах хорооны хийсэн хяналт шалгалтаар технологид суурилсан, аппликейшнээр дамжуулан зээл олгодог зарим байгууллага хүүгийн дээд хэмжээнээс хэтэрсэн буюу сарын есөн хувийн хүүтэй зээл олгосон зөрчил илэрчээ.

Ахин нэг тоо дурдвал Монголд нийт 519 банк бус санхүүгийн байгууллага (ББСБ) үйл ажиллагаа явуулж байгаагаас 80 орчим финтек ББСБ цахим болон гар утасны аппликейшнээр дамжуулан санхүүгийн үйлчилгээ үзүүлж буй. Хачирхалтай нь аппликейшнээр дамжуулан зээл авдаг иргэд давхардсан тоогоор 3.2 саяд хүрээд буй юм. Нэг ёсондоо иргэдэд зээл авах хэрэгцээ байгаа учраас 500 гаруй ББСБ амжилттай ажиллаж, сарын есөн хувийн хүүтэй мөнгө зээлж оршин тогтнож байна.

Мэдээж эдгээрийг цэгцлэх цаг болсон. Тэгвэл Санхүүгийн зохицуулах хороо өнгөрсөн сарын 21-ний өдрийн хуралдаанаараа ББСБ-уудын зээлийн хүүг 4,5 хэтрүүлэхгүй байх мөн нэмэлт шимтгэл, хураамжийг зохицуулах арга хэмжээг хэлэлцэж, холбогдох шийдвэр гаргасан юм. Улмаар тус шийдвэр өчигдрөөс буюу 2026 оны арваннэгдүгээр сарын 1-нээс хэрэгжиж эхэлсэн. Уг шийдвэрийг зөрчсөн ББСБ-уудад хуульд заасны дагуу хариуцлага хүлээлгэх, үйл ажиллагааг нь түдгэлзүүлэх, шаардлагатай тохиолдолд тусгай зөвшөөрлийг нь цуцлах хүртэл арга хэмжээ авахаар болжээ.

Түүнчлэн ББСБ-ууд зээл олгох болон зээлийн мэдээлэлд өөрчлөлт оруулах бүрдээ холбогдох мэдээллийг Монголбанкны зээлийн мэдээллийн санд бодит цагийн горимоор бүрэн, шуурхай нийлүүлдэггүйгээс иргэд хэд хэдэн аппликейшнээс зэрэг зээл авах тохиолдол гардаг аж. Үүний "балагаар" өнөөдөр 463 мянган иргэн давхар зээлтэй байна. Иймд зээлийн давхардлыг бууруулах зорилгоор ББСБ-уудыг зээл олгох бүрдээ холбогдох мэдээллийг Монголбанкны зээлийн мэдээллийн санд бодит цагийн горимоор бүрэн, шуурхай нийлүүлж байхыг үүрэг болгосон байна.

Ташрамд дурдахад, 2026 оны есдүгээр сарын байдлаар 812 мянган хүн ББСБ-аас зээл авсан бөгөөд нийт зээлийн үлдэгдэл 8.9 их наяд төгрөг болжээ. Нийт зээлдэгчдийн 93 орчим хувь нь цахим зээл ашиглаж байгаа бол зээлийн нийт үлдэгдлийн 30 орчим хувийг цахим зээл эзэлж буй юм.

Б.САНАА

Өөрийн сэтгэгдлээ илэрхийл
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
16 Сэтгэгдэл
Шилдэг
Шинэ Хуучин
Inline Feedbacks
View all comments
Зочин
Зочин

МАН-ынхан….
Монголд банк, санхүүгийн зээлийн сарын 1.5-4.5%-ийн хүү боломжийн уу? Дэлхийн дундаж жилийн 1.5-4.5% байдаг даа.
Хүн амь өсөх, залуу гэр бүл буй болцгоох, үйлдвэрлэл бий болох, эдийн засаг өсөх г.м., г.м. огт байхгүй, ярих ч хэрэггүй, худлаа яриа, энэ банк санхүүгийн зээлийн энэ бодлогод.
Монгол банкныхан, инфляциа давсан зээлийн хүү байх ёстой хэмээн ОУВС, эдийн засгийн онолоо бариад 30 гаруй жил болж байна.
Зөвлөмжийн дагуу хөгжсөн улс огт байхгүй.
Өөрсдийн толгой огт алга даа.

Зочин
Зочин

Хүү нь буураад байдаг, гэтэл цаана нь шимтгэл нэртэй далд хүүгээ авсаар л байх вий дээ.

Зочин
Зочин

Ene chigeree shalgalaa sain hiij tsagtuudig ni tsuclah gargah tsagt ni gargadag bailgui dee

Зочин
Зочин

4.5 хувь чинь өөрөө асар өндөр тоо. Жилдээ 54 хувийн хүүтэй байна гэсэн үг биз дээ?

Зочин
Зочин

Huu buursan nerte ch shimtgel, nymelt huuramjaara avchih vi de. Yostoi huulii blank bolgoj ashiglah vi.

Зочин
Зочин

Оройтсон ч гэсэн ямартай ч арга хэмжээ авч эхэлж байгаа нь сайн байна. Ард иргэд зээлээс зээлийн хооронд туйлдаж дууслаа.

Зочин
Зочин

Bbbsb chig uils avch bga nershil dotroo mongiig chig suulj bg mash tom sul tal bga

Зочин
Зочин

Цахим апп нэртэй мөнгө хүүлэгчдийг цэгцлэх хэрэгтэй. Залуус бүр апп-ны зээлэнд баригдаад дууслаа.

Зочин
Зочин

Huugiin dded khemjeenees khetertsen bga gazaruudiig tsatsatsal tsuclah kheregtei shd

Зочин
Зочин

Монголбанкны зээлийн мэдээллийн санд бодит цагаар ордоггүйгээс болоод хүмүүс олон апп-аас зэрэг авч өрөнд орж байгаа нь үнэн.

Зочин
Зочин

App-uud chig real-time medeelele ogohgui bga ni baseline orond dald noluulj bga bhgui yu

Зочин
Зочин

Зөвхөн хүүг бууруулаад зогсохгүй, далд шимтгэл хураамжийг нь маш сайн хянамаар байна.

Зочин
Зочин

Тусгай зөвшөөрлийг нь шууд цуцалдаг байх нь зөв. Үнэхээр хууль зөрчиж 9 хувийн хүүтэй зээл олгож байсан бол хариуцлага тооцох ёстой.

Зочин
Зочин

Иргэд цалингаас цалингийн хооронд, зээлээс зээлийн хооронд амьдарч байгаа нь төр засаг эдийн засгаа эрүүлжүүлж чадахгүй байгаагийн илрэл.

Зочин
Зочин

App-aar damjuulj tsahim zeliin suljee uusgeed ard irgedig urruu tulhsun humuust khariutslaga tootsoshgui

Зочин
Зочин

Цахим зээлийн аппликейшнүүд ямар ч босгогүй зээл өгдөгөө болих хэрэгтэй. 18 нас хүрээ үгүй хүүхдүүд хүртэл авчих юм.

Холбоотой мэдээ

Back to top button