“Талын хөх чононууд” ДАШТ-ий хоёрдугаар шатанд анх удаа хожлоо

“Талын хөх чононууд” гэгддэг Монголын хөлбөмбөгийн шигшээ багийнхан 2022 оны ДАШТ-ий эхний шатанд Брунейн хөлбөмбөгчдийг буулган авч, шинэ хуудас нээсэн билээ.

ДАШТ-ий хоёрдугаар шатанд анх удаа шалгарсан тэд F хэсэгт Япон, Киргиз, Мьянмар, Тажикистаны багтай учраа таарсан. Манай хөлбөмбөгчид эхний тоглолтоо өнөөдөр Мьянмарын эсрэг хийлээ. Эл тоглолтод Монголын шигшээ багийнхан өрсөлдөгчөө 1:0-ээр хожиж, түүхэн хожил байгуулав. Хожлын хоолыг А.Нармандахын дамжуулалтаар А.Дөлгөөн оруулсан юм. Ингэснээр “Талын хөх чононууд” гурван оноо авлаа.

Монгол, Мьянмарын баг 2014 оны ДАШТ-ий эхний шатанд учраа таарахад эхний тоглолтод манай хөлбөмбөгчид талбайдаа 1:0-ээр хожсон ч хариу тоглолтод 2:0-ээр дийлдэн, нийлбэр дүнгээр мьянмарчууд дараагийн шатанд шалгарсан юм.

Монголын шигшээ багийнхан энэ сарын 10-нд Тажикистан, Японтой, 15-нд Киргизтэй, арваннэгдүгээр сарын 19-нд Мьянмартай, 2020 оны гуравдугаар сарын 26-нд Тажикистантай, 31-нд Японтой, дөрөвдүгээр сарын 4-нд Киргизтэй өрсөлдөнө.

Монголын шигшээ багийн бүрэлдэхүүн:

Хаалгач:

1. Б.Ариунболд /Эрчим/
2. Э.Мөнх-Эрдэнэ /Атлетик 220/
3. А.Сайханчулуун  /Улаанбаатар/

Хамгаалагч:

1. Б.Даваажав /Эрчим/
2. Д.Төрбат /Атлетик 220/
3. Г.Билгүүн /Эрчим/
4. О.Мөнх-Оргил /Дэрэн/
5. Н.Цэдэнбал /Улаанбаатар сити/
6. А.Дөлгөөн /Дэрэн/
7. С.Өсөхбаяр /Улаанбаатар/

Хагас хамгаалагч:

1. С.Ганхуяг /Хангарьд/
2. Х.Цэнд-Аюуш /Дэрэн/
3. Ж.Сүндорж /Хангарьд/
4. Б.Төгсбилэг /Улаанбаатар сити/
5. А.Нармандах /Улаанбаатар сити/
6. П.Энхбилэг /Андууд сити/
7. М.Жансерик /Дэрэн/
8. Д.Тэмүүлэн /Улаанбаатар сити/
9. Б.Балжинням /Улаанбаатар/

Довтлогч:

1. Н.Наранболд /Атлетик 220/
2. О.Мижиддорж /Улаанбаатар сити/
3. Э.Мөнгөнбагана /Андууд сити/
4. Ц.Энхтөр /Эрчим)

Б.БУЯНДАЛАЙ

Өөрийн сэтгэгдлээ илэрхийл

Share Tweet