БНСУ-ын жүжигчин Намгун Мин долоон жил үерхсэн найз бүсгүй Жин А Римтэйгээ ирэх сарын 7-нд гэрлэхээр болжээ. Хуримын ёслол Сөүл дэх “Shilla” зочид буудалд гэр бүлийн хүрээнд болох бөгөөд гадны зочид гэвэл Намгун Миний сайн найз, жүжигчин Чон Мун Сон ирэх гэнэ.
Жүжигчний харьяалалддаг “935 Entertainment” энэ мэдээллийг баталжээ.
Тэд 2015 онд кино зураг авалтын үеэр танилцаж, 2016 онд олон нийтэд харилцаагаа зарлажээ. Тэдний анх танилцсан бүтээл дээр Намгун Мин найруулагч, Жин А Рим жүжигчнээр ажиллаж байжээ.
Намгун Мин “MBC Entertainment Awards 2021” наадмаас шилдэг жүжигчин шагнал гардах үедээ “Хажууд минь үргэлж байдагт баярлалаа. Би чамдаа хайртай” хэмээн сэтгэлээ илэрхийлж байв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.