Б.Насанбилэгийн "Зүй ёс нам" сонгуулиас ухрав

Админ4 сар 29, 2024

0 1 минут уншина

УИХ-ын 2024 оны сонгуульд оролцох хүсэлтээ СЕХ-нд хүргүүлж дууслаа. Энэ сарын 22-24-нд Үндэсний аудитын газарт 27 нам нэг эвсэл мөрийн хөтөлбөрөө хянуулахаар хүргүүлж байсан бол өчигдөр СЕХ-нд 26 нам, хоёр эвсэл хүсэлтээ өгснөөр хаагдав.

Харин "Зүй ёс нам" сонгуульд оролцохгүй гэдгээ мэдэгдсэн байна.

Тус намыг 2019 онд Б.Насанбилэг нарын хүсэлтээр Улсын Дээд шүүх бүртгэж байв. Улмаар 2020 оны УИХ-ын сонгуульд "Зүй ёс нам" ХҮН болон Монголын социал демократ намтай хамтран “Зөв хүн электорат” эвслийг байгуулан оролцож байсан билээ. Энэ эвслээс ХҮН-ын дарга Т.Доржханд л парламентад сууж чадсан.

Намын дарга Б.Насанбилэгийн тухайд: Япон улсад 1998-2008 он хүртэл сурч, ажиллаж байжээ. Тодруулбал, Японы “Сожицу корпораци”-ийн судалгааны хүрээлэнд судлаачаар, Японы “Сожицу корпораци”-ийн Монголд дахь төлөөлөгчийн газрын дэд захирлаар, 2012 оноос тус газрын ерөнхий менежерээр, Японд сургууль төгсөгчдийн ЖУГАМО нийгэмлэгийн ерөнхийлөгчөөр 2014 оноос хойш ажиллаж байсан намтартай.

СЕХ-нд хүсэлтээ хүргүүлсэн нам эвслүүд:

Монгол ардын нам
Ардчилсан нам /АН/,
Эрх чөлөөг хэрэгжүүлэгч нам,
Үнэн ба Зөв нам,
Сайн ардчилсан иргэдийн нэгдсэн нам /САИНН/,
Монгол Консерватив нам /МКН/,
Монголын Социал Демократ Нам,
Монголын хүний төлөө нам,
Дэлхийн монголчууд нам (ДМН),
Ард түмний хүч нам,
Эх Орон нам, Монгол Ардын нам /МАН/,
Хөгжлийн хөтөлбөр нам,
Эрх чөлөөний эвсэл нам /Зон олны нам/,
Монгол шинэчлэлт нам /МШН/
ХҮН нам /ХҮН/,
Монголын Либерал нам /МЛН/,
Монголын Либерал Ардчилсан нам /МоЛАН/,
Иргэний хөдөлгөөний нам /ИХН/,
Ардчилал шинэчлэлийн нам,
Гэр хороолол хөгжлийн нам /ГХХН/-ын удирдлагууд Улсын Их Хурлын 2024 оны ээлжит сонгуульд оролцох хүсэлтээ өгсөн.
Эх орончдын нэгдсэн нам /ЭОНН/,
Иргэдийн Оролцооны Нэгдэл Нам /ИОНН/,
Их эв нам /ИЭН/,
Иргэний зориг ногоон нам /ИЗНН/,
Ард түмний олонхийн засаглал нам /АТОЗН/,
Бүгд найрамдах нам /БНН/-ын удирдлагууд Улсын Их Хурлын 2024 оны ээлжит сонгуульд оролцох хүсэлтээ өгсөн юм.