Парламентад 42 суудалтай АН-ын дарга Л.Гантөмөр, 8 гишүүнтэй ХҮН намын дарга Т.Доржханд сөрөг хүчний үүргээ тангарагаа өргөөд, хоёр сар ч бололгүй мартацгаав.
Шинэ Засгийн газрын бүрэлдэхүүнд Шадар сайдын статусаар ХҮН намын дарга Т.Доржхандыг багтаахдаа эрх баригч намын зүгээс түүний эрхлэх асуудлын хүрээнд "Төрийн худалдан худалдан ажиллагааны газар" агентлагийг өгсөн юм.
Одоогийн төсвийн тодотголоор 10 тэрбумаас дээш дүнтэй ТӨХК-иудын тендерийг уг газарт хамруулах байдлаар эрх хэмжээг нь томруулж байгаа билээ. Ингэснээр Т.Доржханд үндсэндээ 10 тэрбумаас дооших дүнтэй бүх тендерийн далд хуваарилалтыг хийх хамгийн том эрх мэдэлтнээр тодроод байна.
Харин АН-ын дарга Л.Гантөмөрийн тухайд, Шадар сайд бөгөөд Эдийн засгийн хөгжлийн сайдын статусаар Л.Оюун-Эрдэнийн Засгийн газарт багтсан. Тэрбээр ирэх жилүүдэд гурван намын нийлсэн намын хөтөлбөрийг базаж, хамгийн том төслүүдийн голлох шалгаруулагч байх юм.
Нэг нам найман жил дараалан УИХ-д үнэмлэхүй олонх болж, олон нийтийн зүгээс мэтгэлцээний, хяналттай, сонгодог парламентыг хүсэх болсон. Гэвч парламентын бараг тал хувийг нь эзэлж, сөрөг хүчин байх хангалттай чадамж үүсгэсэн ХҮН, АН-ын дарга нарын байдал эсрэг урсгалд чиглээд байна.
Ирэх жилүүдэд гурван нам нэгдэж, эрчим хүч, хот байгуулалт чиглэлд томоохон төслүүд хэрэгжүүлэхийн тулд зарим худалдан авалтыг тендергүй явуулах, хүчингүй болсон концессын гэрээг эргэж хэрэглэх, гаднаас зээл ихээр авах зэрэг сөрөг хүчний хяналт, эрэлт өндөр байхаар харагдаж буй.
Гэвч Л.Гантөмөр, Т.Доржханд нарт сөрөг хүчний үүргээс илүү тендерийн хуваарилалт дээрх өөрсдийн эрх мэдлийг илүүд үзэх өнгө аяс илхэн боллоо. Энэ нь ч аргагүй юм.
Танхимын зарчмаар ажилладаг тогтолцооо бүхий Засгийн газарт тэд өөрсдийн хүслээр орж, тэр дундаа тендерт шууд оролцдог албан тушаалууд авсан. Үүнийг эрх баригч намын зүгээс ч сайн тооцож, тэдний эрх ашгийг хангах замаар зарим зүйл дээр "дуугүй байлгах" нөхцлийг үүсгэсэн нь энэ юм.
Г.ИТГЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Арай арай
Танхимын зарчмаар ажилладаг тогтолцооо бүхий Засгийн газарт тэд өөрсдийн хүслээр орж, тэр дундаа тендерт шууд оролцдог �##�бан туша�##�ууд авсан. Үүнийг эрх баригч намын зүгээс ч сайн тооцож, тэдний эрх ашгийг хангах замаар зарим зүйл дээр "дуугүй байлгах" нөхцлийг үүсгэсэн нь энэ юм.
Ийм л өлөнгүүдийг сонгоод байдаг новш гэж
Үнэн шүү??? Сонгоодл байсаар!!!
Доржханд бол Хүн хог
Олиггүй худ�##� яригч байждээ.Аль хогийн саванд
Байж байгаад ил гараад ирэв ээ?
Z##ltsan pizzdaa nar.