BTS эргэн ирэлтийн тоглолт хийхтэй холбогдуулан БНСУ терроризмын эсрэг бэлэн байдлаа чангатгана
Алдарт BTS хамтлаг бямба гарагт /2026.03.21/ Сөүлийн хотноо эргэн ирэлтийн тоглолтоо хийнэ. Тус тоглолтыг 260 мянган хүн үзэх төлөвтэй байгаа юм. Үүнтэй холбогдуулан БНСУ-ын засгийн газар терроризмын сэрэмжлүүлгээ нэг түвшнээр нэмэгдүүлнэ гэдгээ өнөөдөр /2026.03.18/ мэдэгджээ.
Лхагва гарагийн шөнө дундаас бямба гарагийн шөнө дунд хүртэл үргэлжлэх энэхүү арга хэмжээ нь Сөүлийн Жонно, Жон дүүргүүдэд терроризмын сэрэмжлүүлгийг хамгийн доод түвшнээс нэг шат ахиулах юм. Энэ арга хэмжээний хүрээнд тэдгээр дүүргүүд дэх арга хэмжээний газрууд болон бусад байршлуудад цагдаа, эргүүлийн түвшнийг нэмэгдүүлж, холбогдох яамдууд онцгой байдал тохиолдсон үед авдаг хамтарсан арга хэмжээгээ бэхжүүлэх аж.
Өмнөд Солонгосын Ерөнхий сайд Ким Мин Сокийн ажлын алба мэдэгдэхдээ олон нийтийн аюулгүй байдлыг хангахын тулд урьдчилж сэргийлэх байдлаар ажиллах хэрэгтэй гэжээ. BTS хамтлагийн тоглолт зэрэг олон хүн цугларсан арга хэмжээний үеэр террорист халдлага гарах магадлалыг үгүйсгэх боломжгүй гэж тус алба мэдэгдсэн байна.
Эх сурвалж: Korea Times
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.