Харри Стайлс, жүжигчин Зои Кравиц нар үерхэж эхлээд найман сарын дараа сүй тавьжээ. Энэ талаар нэгэн эх сурвалж “Page Six” сэтгүүлд мэдээлэл өгөхдөө “Стайлс түүнд дурлаж орхисон. Түүний төлөө хавцлаас ч үсрэхээр байгаа. Харин Кравиц үүлэн дээр нисэж буй мэт л байна. Тэдний хүрээлэлд байгаа хүмүүс найман сарын дараа сүй тавьсанд огт гайхшираагүй” гэсэн юм.
Өнгөрсөн долоо хоногийн амралтын өдрүүдэд Кравиц бөгж зүүсэн зураг интернэтэд нийтлэгдсэний дараа хүмүүс тэднийг сүй тавьсан гэж ярьж эхэлжээ. Тэд 2025 оны наймдугаар сард Ром хотноо хөтлөлцөн алхаж явж байсан тул фэнүүд нь үерхэж байгаа гэж ярих болсон юм. Мөн тус сард Кравиц, Стайлс нар Лондон хотноо болзсон нь тэднийг үерхэж байгаа гэх яриаг бататгасан байна. Тухайн үед нэгэн эх сурвалж “Page Six” сэтгүүлд мэдээлэл өгөхдөө “Алдартай хүний хувьд болзох нь маш хэцүү асуудал. Хэрвээ тэдний хооронд жинхэнэ холбоо байгаагүй бол Стайлтс Кравицтай олон нийтийн өмнө гарахгүй байсан” гэжээ.
Эх сурвалж: Page Six
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хэнд ямар хамаа байнаа