Эрдэнэт үйлдвэр 992.7 сая төгрөгийн 2 худалдан авалтыг цахим системд зарлалгүй шууд гэрээлжээ
Үндэсний аудитын газрын шалгалтаар Эрдэнэт үйлдвэр ТӨҮГ 2025 онд нийт 992.7 сая төгрөгийн үнийн дүн бүхий хоёр үйлчилгээний худалдан авах ажиллагааг цахим системд зарлалгүй, шууд гэрээ байгуулсан зөрчил илэрчээ. Эрдэнэт үйлдвэр ТӨҮГ-ын 2025 оны санхүүгийн тайланд хийсэн аудитын тайланд тус үйлдвэрийн хоёр төрлийн үйлчилгээний худалдан авах ажиллагааг төлөвлөсөн арга хэлбэрээр зохион байгуулаагүй талаар дурдсан байна.
- Тодруулбал, эхнийх нь Оюутын талбайн археологийн хайгуул, судалгааны ажлыг 45.3 сая төгрөгийн төсөвт өртөгтэйгөөр харьцуулалтын аргаар шалгаруулахаар төлөвлөсөн боловч худалдан авах ажиллагааны цахим системд зарлаагүй байна. Улмаар МУИС-ийн Нүүдэлчдийн археологийн хүрээлэнтэй 44.7 сая төгрөгийн гэрээг шууд байгуулсан гэж аудитын тайланд тэмдэглэжээ.
- Хоёрдугаарт, Эрдэнэт үйлдвэрийн санхүүгийн тайланд олон улсын хөндлөнгийн аудит хийлгэх ажлыг 1 тэрбум төгрөгийн төсөвт өртөгтэй нээлттэй тендерээр шалгаруулахаар төлөвлөсөн боловч цахим худалдан авах системд нийтлээгүй байна. Үүний оронд Кэй Пи Эм Жи Аудит ХХК-тай 948 сая төгрөгийн гэрээг шууд байгуулсан гэж Үндэсний аудитын газар тогтоосон байна. Ингэснээр дээрх хоёр гэрээний нийт дүн 992.7 сая төгрөг болж байна.
Үндэсний аудитын газрын тайланд дээрх үйлдлийг тухайн үед мөрдөгдөж байсан Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 18.1, 32.1, 32.2, 34.1 дэх заалтууд болон Төсвийн тухай хуулийн холбогдох заалтуудтай нийцээгүй гэж тэмдэглэсэн байна.
Тухайлбал, худалдан авах ажиллагааны цахим системд холбогдох зарлалыг нийтлэх, хуульд өөрөөр заагаагүй бол нээлттэй тендерийн аргыг хэрэглэх, харьцуулалтын аргаар худалдан авах ажиллагааг хуульд нийцүүлэн зохион байгуулах шаардлагуудыг дээрх зохицуулалтууд тусгасан байна.
Аудитын дүгнэлтэд эдгээр зөрчилт үйлдлийг авлига, мөнгө завшсан, хохирол учруулсан гэх мэтээр дүгнээгүй ч нийтэд ил болсон аудитын баримтаар үзэхэд худалдан авах ажиллагааг төлөвлөсөн болон хуульд заасан журмын дагуу цахим системээр зохион байгуулаагүй, шууд гэрээ байгуулсан гэх зөрчил юм.
Үндэсний аудитын газраас дээрх зөрчлийг арилгахтай холбоотой албан шаардлагыг 2026 оны гуравдугаар сарын 16-нд хүргүүлсэн байна.
Уг албан шаардлагаар худалдан авах ажиллагааг хуульд нийцүүлэн зохион байгуулж, зөрчлийг таслан зогсоох, цаашид давтан гаргахгүй байх арга хэмжээ авч, биелэлтийг 2026 оны арванхоёрдугаар сарын 1-ний дотор Үндэсний аудитын газарт ирүүлэхийг шаардсан байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Эрдэнэт үйлдвэр ер нь хэзээ хуулийн дагуу тендер зарлаж байсан юм, дандаа л шууд гэрээ нэрээр мөнгө угаадаг
992 say tugrug gej baga mng bish shuu, odoo hurtel iim zurchil garch l bdag
Олон улсын аудитын компанийг хүртэл шууд гэрээгээр сонгоно гэдэг цаана нь их юм байгаагийн илрэл
Tsahim системд зарлахгүй шууд гэрээлнэ гэдэг чинь нууцаар мөнгө хувааж авч байгаатай л ижил
shorond hiih yostoi humuus ni zgr l alban shaardlaga avaад сууж байдаг сонин нутаг
Археологийн хайгуул нэртэй 44 саяыг МУИС руу шууд шилжүүлсэн нь бас л сонин
shud geree hiih erh ni emh tsegtsgui bgaa ni avligiin eh үүсвэр болоод байна
Авлигатай тэмцэнэ гэж ярьдаг ч төрийн өмчит компаниуд нь хуулиа тоохоо больчихож
12 sar huretel zurchluu arilga gej bga юм уу, тэр болтол мөнгө нь хэдийнээ гараад дуусна шд
Togloomiin qaydan shig audit hiij bj zurchil ilruullee geed yahuu, sanks alga
terbum tugrugnii tenderig shuud avdag KPMG bas yaatsan compani bee
Erdenet chin barag uursdiin gesen tsagdaatai хуультай ваант улс шиг л амьдардаг шд
Аудитын дүгнэлтэд хохирол учруулсан гэж үзээгүй ч гэх шиг, хууль зөрчсөн нь өөрөө хохирол биш үү
tsahim system gej baihaad ashiglagaagui bol yag yaah gej naad palamuudaa hiisen юм
Төсвийн мөнгийг туйлж дууслаа даа, Эрдэнэт үйлдвэрийг шалгах комисс дахиж томилох хэрэгтэй
Тендер шалгаруулалт нэртэй жүжгээ ч хийхээ болиод одоо шууд гэрээлдэг болжээ
Эрдэнэтийг ЁНдонгоос салгахгүй бол салж унахаар их луйвар гарах боллоо доо..........