Украины дайн эхэлснээс хойш анх удаа ОХУ, Германы гадаад хэргийн сайд нар уулзан хэлэлцлээ
ОХУ-ын Гадаад хэргийн сайд Сергей Лавров, Германы Гадаад хэргийн сайд Йоханн Вадефуль нар бямба гарагт /2026.09.26/ НҮБ-ын Ерөнхий Ассамблейн чуулганы хажуугаар уулзаж хэлэлцлээ. 2022 онд ОХУ Украин руу довтлон дайн эхлүүлснээс хойш хоёр улсын гадаад хэргийн сайд нар анх удаа уулзсан тохиолдол нь энэ юм.
Герман бол Украины хамгийн ойрын холбооны нэг. Дайн эхэлснээс хойш Герман, ОХУ харилцаа царцаж, хурцадсан. Мөн наймдугаар сард Германы зүүн хэсэгт орших Лайпцигийн нисэх буудалд дроны халдлага гарсны дараа хоёр улсын харилцаа улам хурцаджээ. Тэдний харилцаа хурцадмал хэвээр байгааг харуулсан нэг зүйл нь Лавровын мэдэгдэл байв. Лавров “Үнэнийг хэлэхэд, би түүнд ‘Над руу зүгээр л утасдаад, мэдэгдлээ уншчих гэж хэлж болох байлаа’ гэж хэлсэн” хэмээжээ.
Уулзалтын үеэр Вадефуль Лавровт хандан Хар тэнгисээр дамжих үр тарианы экспортыг сэргээх тохиролцоонд хүрэхийн тулд боломжтой бүхнийг хийхийг уриалсан байна. Харин Лавров уулзалтын дараах хэвлэлийн бага хурал дээр Хар тэнгист аюулгүй зорчих нөхцөлийг бүрдүүлэх асуудлаар Энэтхэг, Египет, Турктэй ОХУ хэлэлцээ хийж байгаа гэсэн байна.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.