НИЙГЭМ

НОСК: Шалгаруулалтанд тэнцсэн иргэд рүү утсаар мэдэгдэж байна

Нийслэлийн орон сууцны корпорацийн дэд захирал С.Дорждэрэм түрээсийн орон сууцны шалгаруулалтын тухай мэдээллийг иргэдэд өглөө.

НАЙМДУГААР САРЫН 12-НЫ 15:00 ЦАГААС ЭХЛЭЭД ТЭНЦСЭН ХҮМҮҮС РҮҮГЭЭ УТСААР МЭДЭГДЭЖ ЭХЭЛСЭН

Тэрээр, “Цахим бүтгэлийн 14 хоногын хугацаатай явуулаад, өнгөрсөн долоо хоногт  сонгон шалгаруулалтаа бүх  найман ангиллын дагуу явуулж дууссан. Наймдугаар сарын 12-ны 15:00 цагаас эхлээд тэнцсэн хүмүүс рүүгээ утсаар мэдэгдэж эхэлсэн. Удахгүй вэб хуудсанд мэдээлэл тавигдаж эхэлнэ. Залуу гэр ёбүл гэсэн ангилалд энгийн түрээстэй 58 квот , түрээслээд өмчлөх хэсэгт 58 квот нийлээд 116 квот тогтоосон. Квотын дагуу эрэмбэлэгдэж тэнцсэн иргэд рүү бид холбогдож хэлнэ. Шалгаруулалтын шаардлагуудыг залуу гэр бүл гэсэн ангилалд жишээ авч хэлэхэд,

-Нийгмийн даатгал төлсөн хугацаа /жил, сараар нь тооцож их байгаа нь тэнцэнэ/

-Гэр хороололд амьдарч буй агаарын чанарын бүсчлэл /нийт 138 хороог агаарын чанарын бүсчлэлээр 1-4 хооронд ангилсан байдаг/

-Хүүхдийн тоо

-Гэрлэлтээ бүртгүүлсэн хугацаа гэх мэт олон төрлийн шалгаруулалтаар иргэдэд нээлттэй явуулсан. Иргэд болоод төрийн бус байгууллагууд сонгон шалгаруулалтанд маань хөндлөнгийн хяналгчаар ажиллаж шударга ил тод явагдсан.

ТЭНЦСЭН ХҮМҮҮС АХМАД НАСТАН, ХӨГЖЛИЙН БЭРХШЭЭЛТЭЙ ИРГЭДИЙН АНГИЛАЛААС БУСАД АНГИЛАЛД ХАМААРАГДАХ БОЛ БИЕЭР ИРЖ БҮРДҮҮЛСЭН МАТЕРИАЛАА ӨГНӨ

Цахим бүртгэл нь ямар нэг тодорхой мэдээлэл шаардалгүй, иргэн хувийн мэдээллээ цахимаар бүртгүүлсэн. Одоо харин тэнцсэн иргэдийн зөв бурууг нягтлан тогтоож шалгах хэрэгтэй. Үүнд,

-Иргэний үнэмлэхний хуулбар

-Оршин суугаа газрын хаяг лавлагаа

-Өрхийн ам бүлийн лавлагаа

-Гэрлэлтийн бүртгэлтэй эсэх лавлагаа

-Шүүхий шийдвэрийн төлбөр, үлдэгдэлгүй гэсэн лавлагаа

-Үл хөдлөх хөрөнгийн лавлагаа

-Орлогоо тодорхойлох аримт бичгүүд /нийгмийн даатгал, тэтгэвэр тэтгэмж,банкны хуулга/

-Хүүхдийн төрсний гэрчилгээ

-Чанаргүй зээлийн түүхгүй байх гэсэн арваад бичиг баримтыг бүрдүүлж авчрах шаардлагатай. Тэнцсэн иргэдийн бүрдүүлсэн материалыг наймдугаар сарын 19-23-ны хооронд Дүнжингарав болон Мишээл гэсэн нэгцэгийн үйлчилгээний төв дээр биечлэн авна. Өндөр настан болон, хөгжлийн бэрхшээлтэй иргэний ангилалаас бусад ангилалын иргэдийн материалыг өөрийн биеэр авчирч өгөх шаардлага тавьж байгаа.

600 ХҮРЭХГҮЙ ТООНЫ БАЙРАНД 35 МЯНГАН ИРГЭН ХҮСЭЛТЭЭ ИРҮҮЛСЭН

Цахим бүртгэлд бүртгүүлсэн мэдээллийг нь нягталж үзээд худал зүйл бичсэн байвал хар жагсаалтанд оруулах арга хэмжээ авна. Эрэмбийн дагуу тэнцсэн хүмүүстэй холбогдож бүрдүүлэх ёстой бичиг баримтын мэдээллийг дэлгэрэнгүй хэлж өгч байна. Тэнцсэн, шалгаруулалт хангасан иргэд гэрээ байгуулаад байрандаа орох боломжтой болно. Ойрын гурван жилд нийслэлд хэр их орон сууц бароигдах, худандан авах эрэлт хэрэгцээ хэр их байгааг гадны байгууллагуудтай хамтран судлахад иргэдийн эрэлт хэрэгцээ баригдах орон сууцнаасаа өндөр гарсан. Энэ нь цахим бүртгэлийн ажлаар ч мөн батлагдсан. Нийт 972 орон сууцны 62 хувь буюу 600 хүрэхгүй байранд 35 мянган иргэн хүсэлтээ ирүүлсэн байна. Зарим иргэд таван жилийн хугацаанд 100 хувь төлбөрөө төлөх хүсэлтэй иргэд ч хандаж байна.

Нийслэлийн иргэдэд хэвлэлийн бага хурал зарлан хүссэн хэн ч байсан хөндлөнгийн хянагчаар оруулж болох тухай зарласан. Олон хэвлэлийн байгууллага, хүчний байгууллага иргэд хөндлөнгийн хянагчаар ажилласан. Иймд бидний ажлыг будлиантуулах ямар ч боломжгүй байсан. Нэр төртэй томоохон төслийг амжилттай хэрэгжүүлж буйдаа Нийслэлийн орон сууцны корпорацийн зүгээс баяртай байна. Мэдээллээ буруу оруулснаас болоод хар жагсаалтад орсон иргэдийн дараа дараагын түрээсийн орон сууцанд хамрагдах боломж хязгаарлагдана” хэмээлээ.

С.ХОНГОРЗУЛ

Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close