UbCab-ийн үүсгэн байгуулагч Н.Отгонбаярыг гүйцэтгэх захирлын ажлаа өгсний дараагаар "Юбикаб" ХХК-ийн үүсгэн байгуулагчдын нэг О.Золбаяр орлохоор боллоо.
UbCab онлайн такси үйлчилгээг үүсгэн байгуулагч, гүйцэтгэх захирал Н.Отгонбаяр өнгөрсөн долоо хоногт бизнесээсээ гарахаар шийдсэн. Тэгвэл дараагийн эзнээр "UBCab" аппликейшныг хөгжүүлэгч "Юбикаб" ХХК-ийн гүйцэтгэх захирлаар тус компанийн үүсгэн байгуулагчдын нэг О.Золбаярыг томилсон байна.
О.Золбаяр нь мэдээллийн технологийн салбарт 20 гаруй жил ажиллаж байгаа туршлагатай бөгөөд 2013 онд Б.Эрдэм, Б.Манлай, А.Наранбаяр нарын хамт Монголын технологийн салбарын тэргүүлэгчдийн нэг "Мезорн" ХХК-ийг үүсгэн байгуулж, "UBCab" аппликейшныг хөгжүүлж эхэлсэн байна. Тэрээр 2021 оноос "Юбикаб" ХХК-ийн толгой компани болох "Юбикаб Холдинг" ХХК-г удирдаж байгаа аж.
Ц.НАРАНЦАЦРАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.