ЧУУЛГАН: Дутуу ирцтэй хуралдаанаар С.Эрдэнийн санаачилсан төсөл УНАЛАА
Улсын их хурлын нэгдсэн чуулган 11.00 цагт эхэлсэн. 11 цагийн байдлаар 18 гишүүний ирцтэйгээр эхэлсэн чуулганаар хамгийн түрүүнд С.Эрдэнийн санаачилсан Орон сууц, гэр хорооллын дундын өмчлөлийн эд хөрөнгө болон сууц өмчлөгчдийн эрх зүйн байдлын тухай хуулийн төсөл болон хамт өргөн мэдүүлсэн төслийг хэлэлцлээ.
Хэлэлцэх асуудалтай холбогдуулж О.Баасанхүү гишүүн, “Чуулганы хуралдаанд яг одоо 18 гишүүн байна, ирцээ бүрдүүлж байж, чуулганаа эхлүүлмээр байна. Тэгэхгүй бол хэлэлцэх асуудлууд унах гээд байна” гэсэн юм.
Улмаар УИХ-ын дарга Г.Занданшатар, “Малчдын зөвлөгөөн болж байна, эмэгтэйчүүдийн арга хэмжээ болж байна. Гэхдээ гишүүд санал хураалтад оролцоно шүү” гэв.
Ингээд 18-хан гишүүний ирцтэйгээр өнгөрсөн долоо хоногийн баасан гарагийн хуралдаанаар хэлэлцээд санал хурааж чадалгүй хойшлуулсан Орон сууц, гэр хорооллын дундын өмчлөлийн эд хөрөнгө болон сууц өмчлөгчдийн эрх зүйн байдлын тухай хуулийн төсөл болон хамт өргөн мэдүүлсэн төслөөр санал хураахад гишүүдээс дэмжлэг хүлээж чадалгүй уналаа.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.