Снукер бильярдын зургаан улаантай Дэлхийн Аварга Шалгаруулах Тэмцээн (ДАШТ) болон 15 улаантай Дэлхийн цомын тэмцээн энэ сарын 14-нөөс 25-ныг дуустал Улаанбаатар хотод болж байна.
Энэ удаагийн тэмцээнийг шүүхээр олон улсын зэрэглэлтэй 10 шүүгч иржээ. Тухайлбал Африкаас нэг, Америк тивээс нэг, Европоос гурав, Ази болон Номхон Далайн орнуудаас дөрвөн шүүгч ирсэн аж. Дэлхийн цомын тэмцээний эрэгтэйчүүдийн ангилалд 36 тамирчин өрсөлдөж буй бол эмэгтэйчүүдэд 20 тамирчин ирсэн байна.
Дэлхийн цомын тэмцээний шөвгийн наймд шалгарсан ДАШТ-ий болон Азийн АШТ-ий хүрэл медальт Б.Нарантуяа Хонконгийн тамирчин И Тин Чуныг 3:0-ээр буулган авч хагас шигшээд шалгарлаа.
Ингэснээр манай тамирчин шөвгийн дөрөвт Хонконгийн Нг Он Итэй өрсөлдөхөөр болов. Хагас шигшээгийн тоглолт Улаанбаатарын цагаар 16:00 цагт болно.
М.АГАР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.