МАН-ын бүлгийн Удирдах зөвлөл Ерөнхий сайдын өрөөнд хуралдаж дууслаа. Хуралдаанаар сонгуулийн тогтолцоог эцэслэн шийдвэрлэжээ. Тодруулбал, 2008 оны сонгуулийн хувилбараар буюу 26 тойрогт 76 мандаттай хувилбарыг дэмжжээ.
Өглөө хуралдсан МАН-ын бүлгийн хурлаар Ерөнхий сайд У.Хүрэлсүх “Аймаг нэг том тойрог” хувилбарыг дэмжих чиглэл өгөөд байсан юм.
МАН-ын Удирдах зөвлөлөөс гаргасан шийдвэрийн талаар МАН-ын Ерөнхий нарийн бичгийн дарга Д.Амарбаясгалан "Энэ долоо хоногт УИХ-ын Сонгуулийн хуулийг хэлэлцэх болсонтой холбоотойгоор МАН-ын Удирдах зөвлөл, бүлэг хуралдлаа. УИХ-ын нэр бүхий гишүүдийн зүгээс 50+26 буюу холимог тогтолцоог өргөн барьсан байсан. Гэтэл энэ хувилбар нь Үндсэн хуультай зөрчилдөнө гэдгийг намын гишүүд хэлсэн. Тиймээс цэвэр мажоритар тогтолцоогоор сонгууль явуулах нь зөв гэж үзсэн. Ингээд Удирдах зөвлөл ярилцаад 2008 онд явж байсан томсгон мажоритар систем буюу олон мандаттай тогтолцоог дэмжлээ. Бүлгийн гишүүд энэ хувилбар дээр санал нэг байгаа. Аймаг, дүүргүүд томсгон нэг тойрог байна. дотроо хэд хэдэн мандаттай байна” гэлээ.
Үргэлжлүүлэн МАН-ын бүлэг хуралдаж тус асуудлаар саналаа нэгтгэнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.