НИЙГЭМ

Ерөнхий сайд өөртэй нь андуурагдсан Б.Намхайжамц хүүг хотод урьж, уулзахыг хүсжээ

Өнгөрөгч оны арваннэгдүгээр сард /2019.11.13/ олон нийтийн сүлжээгээр Монгол дээл өмсөж, дэлдэн чих нь гэрэлтсэн хүүгийн зураг түгж, “Ерөнхий сайд У.Хүрэлсүхийн багын зураг” хэмээн андуурагдсан. Улмаар Ерөнхий сайдын хэвлэлийн төлөөлөгч /2019.11.14/ нүүр хуудсандаа “Хүмүүсийн цагаахан хөөрхөн талцсан постууд, асуусан чатууд их ирж байгаа тул хариулт өгье. Ерөнхий сайд У.Хүрэлсүхийн багынх нь зураг шүү. Инээд бие биедээ бэлэглэсэнд нь Ерөнхий сайд талархаж байгааг дамжуулж байна” гэж хошигнон бичсэн билээ.

Ерөнхий сайдын бага насных нь зураг хэмээн андуурагдсан хөрөг зургийн дүр нь Хөвсгөл аймгийн Эрдэнэбулган сумын малчин айлын зургаан настай хүү Б.Намхайжамц байв. Б.Намхайжамц хүүгийн зургийг зурагчин н.Батдарь 2018 оны арваннэгдүгээр сарын 05-ны өдөр дарсан нь ийнхүү Ерөнхий сайдтай андуурагдах эхлэл болсон.

Бид тухайн үед Б.Намхайжамц, болон түүний эгч Б.Баасандуламаас ЯРИЛЦЛАГА авч олон нийтэд хүргэж байсан юм.

Дээрх ярилцлага нийтлэгдсэний дараахан Ерөнхий сайд хүүг хотод урьж, уулзахаар болсон тухай мэдээлэл дуулдсан. Сайдтай андуурагдсан Б.Намхайжамц хүү түүний урилгыг хүлээн авч уулзсан эсэх талаар бид хүргэн ахтай нь холбогдож тодрууллаа.

Тэрбээр “Танайд Б.Намхайжамцын ярилцлага нийтлэгдсэний дараахан Ерөнхий сайдын ажлын албаныхан манайх ярьж, холбогдсон. Намхайг хотод урьж уулзах хүсэлт тавьсан юм. Улаанбаатар хотод болсон нэг үйл ажиллагаанд уригдсан 20 хүүхдийн нэгд багтаасан байсан. Харамсалтай нь тухайн үед  цаг агаар муу байж таараад онгоцоор нисэж чадаагүй. Тэгээд нисэж чадаагүй учир байдлаа хэлэхэд дараагийн уулзалтад урихаар болсон юм. Ойрын хугацаанд ээж, аав нь хөдөөнөөс орж ирвэл, Намхайг хот руу явуулах байх” гэсэн юм.  

Холбоотой мэдээ

2
СЭТГЭГДЭЛ

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

avatar
140
2 Сэтгэгдлүүд
0 Сэтгэгдлүүдийн хуриултууд
0 Дагагч
 
Топ сэтгэгдэл
Халуухан сэтгэгдлийн хэсэг
Шинэ Хуучин Шилдэг
melody
melody

hiih yum n olddogguim bh daa!!!

zohcin
zohcin

gordsiin be Hyrelsukhees hamasgyi tsarailaga tsagaan hyy baina

Back to top button