НӨАТ-ын буцаан олголтын хоёр хувийг найман хувь болгох өргөдөлд 15,569 иргэн гарын үсэг зуржээ. Тухайлбал, НӨАТ буюу нэмэгдсэн өртгийн албан татвар гэж 10 хувийг татвар төлдөг. Түүнээс буцаан олголтоор хоёр хувийг нь олгодог. Үлдсэн найман хувийн татвар сугалаа болон улсын төсөвт зарцуулагддаг.
Тэгвэл иргэн Б.Болорчулуун НӨАТ-ын буцаан олголтыг найман хувь болгох өргөдөл санаачилжээ. Өргөдөл санаачилсан иргэн "Өргөн хэрэглээний барааны үнийн өсөлт иргэдэд маш их дарамт болж байна. Тиймээс НӨАТ-ын буцаан олголтыг хоёр биш найман хувь болгох хэрэгтэй" гэжээ.
Тус өргөдөлд наймдугаар сарын 23-ны 13:27 цаг хүртэл санал авах бөгөөд 100,000 иргэн дэмжиж гарын үсэг зурвал УИХ-аар хэлэлцэх журамтай. Иргэн та дэмжиж гарын үсэг зурах бол: https://petition.parliament.mn/Detail?id=aaa37902-7616-46cd-9aa1-fffdf756c821
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.