АНУ-ын Конгрессын завсрын сонгуульд нөлөөлөхийн тулд Иран тактикаа өөрчилж, Ормузын хоолойгоор дамжин өнгөрч буй хөлгүүдэд нь цохилт өгөх шинэ арга хэрэгжүүлж эхэлсэн талаар Ираны хоёр өндөр албан тушаалтан “Reuters” агентлагт ярьсан байна.
Арваннэгдүгээр сард АНУ-д Конгрессын завсрын сонгууль явагдаж, Сенат болон Төлөөлөгчдийн танхимын хэд хэдэн суудал өөрчлөгдөх төлөвтэй байгаа юм. АНУ-ын Ерөнхийлөгч Дональд Трамп Израилын хүслээр Иранд хамтран цохилт өгч эхлүүлсэн дайн нь дэлхий даяар газрын тос, байгалийн хийн нийлүүлэлтийг тасалдуулсан. Үүний улмаас АНУ-д ч түлшний үнэ өсөж, инфляц нэмэгдээд байгаа юм.
Ийм учир Трамп Конгрессын завсрын сонгуулийн өмнө дизель түлшний үнийг бууруулах хүсэлтэй байгаа тул Европын холбоотнуудаа сүрдүүлж, шахалт үзүүлсэн. Энэ шахалтын үр дүнд Их долоон орон стратегийн нөөцөөсөө 100 сая баррель газрын тос, дизель түлш гаргах болсон юм. Мөн АНУ ОХУ-аас дизель түлш худалдан авах хэлэлцээ хийсэн нь Европын холбоотнуудыг нь цочирдуулсан билээ.
Тэгвэл Иран Конгрессын сонгуулийн өмнө Ормузын хоолойд тавьж буй хяналтаа улам бататган, чангатгах зорилготой байна. Дайн эхлэхээс өмнө дэлхийн газрын тос болон байгалийн хийн нийлүүлэлтийн тавны нэг нь дамжин өнгөрдөг байсан тус хоолойн ачаалал их хэмжээгээр буурсан. Гэхдээ тодорхой хэмжээний газрын тос Ормузын хоолойгоор гарч байгаа юм.
Ормузын хоолойд тавьсан хөдөлгөөний хоригийг нь зөрчиж буй хөлгүүдийн эсрэг Иран шинэ стратеги арав гаруй хоногийн өмнөөс хэрэгжүүлж эхэлжээ. Шинэ довтолгооны стратеги ашиглаж эхэлснээр Ормузын хоолойгоор зорчиж буй хөлгүүдэд өгөх цохилтын тоо нэмэгдсэн гэж Ираны нэгэн албан тушаалтан хэлсэн байна.
“Reuters” агентлагт мэдээлэл өгсөн хоёр эх сурвалжийн нэг нь “Энэ стратегийн зорилго нь АНУ болон түүний холбоотнууд дэлхийн газрын тосны үнэ бууруулахыг оролдож байгааг таслан зогсоох” гэжээ.
Иран шинэ стратеги ашиглаж эхэлсэн болохыг АНУ-ын албан тушаалтан мөн хэлсэн байна. АНУ-ын зэвсэгт хүчин Ираны радаруудын ихэнхийг устгажээ. Ийм учир тус улсын Исламын хувьсгалт гвардын корпус жижиг завьтай, зэвсэггүй ажиглагчид ашиглаж эхэлсэн байна. Өнгөрсөн долоо хоногт АНУ-ын зэвсэгт хүчин жижиг завьтай явж буй Ираны ажиглагчдыг илрүүлж, завийг нь хураан авч устгасан аж.
Сүүлийн өдрүүдэд Ормузын хоолойгоор дамжин өнгөрч буй хөлөг онгоцнууд руу халдах тохиолдол дайн эхэлснээс хойших хамгийн өндөр түвшиндээ хүрчээ.
Техран ийнхүү стратегиа өөрчилж, Ормузын хоолойгоор дамжин өнгөрч буй цөөн хэдэн хөлгийн хөдөлгөөнийг зогсоохоор ажиллаж байгаа бол АНУ мөн Иранд үзүүлж буй дарамт шахалтаа өргөжүүлж байна. АНУ Иранд эдийн засгийн дарамтыг дээд хэмжээгээр үзүүлэхийн тулд хоригоо чангатгаж, Ираны боомтуудаас орох, гарах хөдөлгөөнийг хориглосон билээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Iran zvrkhtei yum shig jijig zavitai ajiglagch ashiglaad l dald dain hiij ehellee
Iran uursduu gazaryn tosnii une usghesin tuld Ormuzyn hooloid iim aimaar zarlag yavuulj bna shd
Улс орнуудын геополитикийн тоглоомоос болж энгийн ард түмэн л түлш, бензиний өндөр үнээр хохирч байна
Ormuzyn hooloi haagdahaar l delkhii dayaar gazryn tos, tulshnii hямрал эхэлдэг shd
Дональд Трамп болон Ираны хоорондох энэ дайн дэлхийн эдийн засгийг бүрэн нурааж дууслаа
Dain ehleees hoish hulgud ruu haldah zuil hamgiin undur tuvshindee hurchixson bna
Ираны эсрэг авч байгаа эдийн засгийн хориг болон цохилтууд ямар ч үр дүн өгөхгүй байна
Zes, nuurs gej yariad l baidag, delхий даяар чинь одоо яг бодит дайн болж байна шд
АН-ын болон Конгрессын сонгуулийн өмнө ийм юм болж байгаа нь үнэхээр тохиолдлын хэрэг биш
АН-ын болон Конгрессын сонгуулийн өмнө ийм юм болж байгаа нь үнэхээр тохиолдлын хэрэг биш
Iran bolon USA 2-yn zurchilduun duusahgui bol delkhii dayaar bygd l hohirно доо
Ормузын хоолойгоор явах хөлөг онгоцгүй болтлоо аюултай болчихсон нь үнэхээр эмгэнэлтэй
Zasgiin gazarin shuidiig haraad baigaad l zver l ulsiin mungiig uursduu zartsuulah arga l daa
Ene buh asuudlig bygd l medej bgaa murtluu dandaa l dald lobi hiigeed mungu idekhiig boddog
Ираны хэрэгжүүлж буй энэ шинэ стратеги дэлхийн зах зээлд ямар их хор хохирол авчирч байна аа