АНУ-д монгол эрэгтэй найз охиных нь дугаарыг авах гэж оролдсон хүний өгзөг рүү нь буудсан хэргээр баривчлагджээ
33 настай монгол эрэгтэй “Uber Eats”-ийн жолооч найз охиных нь дугаарыг авах гэж ородсоны дараа өгзөг рүү нь буудсан гэх хэргээр баривчлагджээ. Тус хэрэгт холбогдсон С.Х нэртэй эрэгтэйд хүний амь насанд хүрэх гэж оролдсон зүйл ангиар ял тулгаад байгаа юм.
Хэргийн хохирогч цагдаа нарт мэдүүлэг өгөхдөө Майами хотын Перл Дэйделэнд орон сууцны хороололд нэгэн эмэгтэйд хоол хүргэж өгсөн гэжээ. Хоол хүргэж өгөхдөө тэр эмэгтэйтэй товч яриа өрнүүлж, өөрт нь таалагдсан гэж хохирогч хэлсэн байна. Үүнээс цаг гаруй хугацааны дараа тэр эмэгтэйн утасны дугаарыг авах зорилготой Перл Дэйделэнд руу буцаж очжээ.
Хохирогч машин руугаа буцаж алхаж байх үед тухайн эмэгтэйн найз залуу болох С.Х хүрч ирж буу тулган газар хэвт хэмээн сүрдүүлсэн байна. Цагдаа нарын гаргасан мэдэгдэлд “Хохирогч газар хэвтэхэд С.Х нэг удаа гал нээсэн нь хохирогчийн өгзгийг шүргэн өнгөрсөн байна. Мөн хохирогчийг газар хэвтэж байхад Хүслэн гар бууныхаа бариулаар түүний толгойн ар хэсэг рүү цохиж, 5 см орчим шарх үүсгэсэн” гэжээ. Үүний дараа Хүслэн хохирогчийг босохыг тушааж, буугаа толгой руу нь чиглүүлэн “Би чамайг ална” гэж хэлсэн байна.
Цагдаа нар сэжигтний гэрийг шалгаж үзэхэд оксикодон, амфетамин, кетамин, кокэйн, MDMA, марихуан, псилоцибин зэрэг хууль бус мансууруулах бодис илэрчээ. Хүслэн мягмар гарагт /2026.10.13/ шүүхийн өмнө зогсохдоо “Эдгээр бодис нь миний жороор авсан эмүүд” гэсэн байна. Үүний дараа шүүгч Минди Глэйзер түүнд хэргийн баримтын талаар ярихгүй байхыг анхааруулжээ.
Эх сурвалж: Local 10
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.