Дампуурсан “Theranos” компанийн үүсгэн байгуулагч Элизабет Холмсын талаарх “You Can See Everything” баримтат кино сүүлийн 20 гаруй жилд бокс оффисоос хамгийн өндөр нээлтийн ашиг олсон баримтат кино болжээ. Нэйтан Филдер, Лэнс Оппенхайм нарын хийсэн тус кино нээлтээ хийсэн амралтын өдрүүддээ 15 сая ам.долларын орлого олсон байна.
Тус кино гурван цагийн урттай ч Нью-Йорк, Лос-Анжелес зэрэг хотуудад амралтын өдрүүдээр бүх тасалбар зарагджээ. Киноны дистрибьютер “A24” студи “You Can See Everything”-ийг “21-р зууны хамгийн том хязгаарлагдмал нээлтүүдийн нэг” гэсэн байна. Тус кино Хойд Америкт 900 хүрэхгүй театрт гарч байгаа юм.
Элизабет 2003 онд “Theranos” компанийг үүсгэн байгуулж, олон зуун эрүүл мэндийн шинжилгээг хэдхэн дусал цусаар хийж болох технологи бүтээсэн гэж мэдэгдэн олны анхаарлыг татсан. Гэвч тус технологи ажилладаггүй болох нь илэрсний дараа тэрбээр 11 жил хорих ял сонссон юм. Элизабет хөрөнгө оруулагчдад худал мэдээлэл олгох замаар 700 сая ам.долларыг босгосон байна. “Theranos” компани оргил үедээ 9 тэрбум ам.долларын үнэлгээ хүрч байжээ.
Эх сурвалж: CNN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Daisogiinhan hovdiin buzar guilagchinguud