Б.Энхбаярын түлхээсээр ШШГЕГ-ын дарга С.Амарсайханы эсрэг "шүгэл үлээв"

Шүүхийн шийдвэр гүйцэтгэх ерөнхий газрын /ШШГЕГ/ даргаар ажиллаж байсан хурандаа Б.Нандинболорыг үүрэгт ажлаас нь чөлөөлж, түүний оронд ШШГЕГ-ын дэд дарга А.Намсамандыг үүрэг гүйцэтгэгчээр томилсон огноо нь 2025 оны арванхоёрдугаар сар юм. ХЗДХ-ийн сайдын удирдлагыг нь томилох саналаа оруулах эрх бүхий агентлагийг ингэж Б.Энхбаярын үед А.Намсаманд даргалж эхэлсэн ЮМ.

Харин С.Амарсайхан ХЗДХ-ийн сайдаар томилогдож очоод, А.Намсамандыг ШШГЕГ-аас хөдөлгөөгүй бөгөөд 2026 оны Үндэсний их баяр наадмын өмнө "Бригадын генерал" цол тэмдгээ Ерөнхийлөгч У.Хүрэлсүхээс гардсан билээ.

Тэрбээр өнөөдөр ХЗДХ-ийн сайд С.Амарсайханы томилгоонууд, зүй бус харилцаа, ХОМ дээрх ХХК-иуд нь шүүхийн шийдвэрийн өртэй байгаа талаар мэдээлэл хийж, салбарын сайдаа "өшиглөв".

Нэг талаас харахад, А.Намсамандын энэ үйлдэл салбарын сайдаа сөрсөн, шүгэл үлээсэн байдалтай өрнөл болов. Нөгөө талд зориудаар хоёрхон хэвлэл дуудаж, С.Амарсайхан руу гал чиглүүлэх зорилготой бусдын даалгавар биелүүлсэн үйлдэл гэж харагдлаа.

Өчигдөр нийгмийн сүлжээнд Н.Учралын нүүр хуудсан дахь С.Амарсайханд зориулсан текстийг Б.Энхбаяр хуваалцсан. Энэ нь сүүлийн үед пи-араа нэгтгэж, ТӨХК-иудыг цэгцэлж буйгаа нийлж рекламдах болсон Н.Учрал, Б.Энхбаярын хоршил С.Амарсайханы асуудлаар төрийн тэргүүний дэмжлэгийг авчихсан гэх нюанс уншигдана.

Ерөнхий сайд Н.Учрал "С.Амарсайханыг хэрэг наймаалцахаар завдлаа" гэж сошиалд бичсэн шигээ Х.Нямбаатараар хэдэн удаа нүүр хуудастаа пост өлгөөд л, аваад шидчихсэн. Оронд нь Ерөнхийлөгчийн экс хүргэн очсон. Энэ удаа ч тэд С.Амарсайханы орны хүнийг аль хэдийнэ тохирчхоод, Н.Учрал нүүр хуудсаараа түүнийг шүүмжилсэн логик харагдаж байгаа.

Г.ИТГЭЛ

Өөрийн сэтгэгдлээ илэрхийл

Share Tweet