Бразилын Ерөнхийлөгч Луиз Инасо Лула да Силва ням гарагт /2026.10.25/ явагдсан Бразилын ерөнхийлөгчийн сонгуулийн дахин санал хураалтад ялалт байгуулсан талаар тус улсын сонгуулийн хороо мэдэгджээ. Санал асуулгууд сөрөг хүчний нэр дэвшигч сенатор Флавио Болсонаро ялах магадлалтай гэж харагдаж байсан юм. Тэрбээр Бразилын Ерөнхийлөгч Жаир Болсонарогийн хүү юм.
Дэлхий даяар эрх баригчдын эсрэг хандлага нэмэгдэж, Өмнөд Америкт улс төрийн барууны үзэлтэй нэр дэвшигчид ялалт байгуулах хандлага ажиглагдах болсон. Тэгвэл зүүний үзэлтэй Лула энэ хандлагыг зогсоож ялалт байгуулав. Ерөнхийлөгчийн сонгуулийн санал хураалтын эхний шатанд Флавио ялалт байгуулж, шинжээчид түүнийг аавынхаа барууны үзлийн хөдөлгөөнийг дахин эхлүүлэх магадлалтай гэж таамаглаж байсан билээ.
Бразилд сүүлийн хэдэн жил амьжиргааны зардал нэмэгдэж, авлигын дуулиант хэргүүд гарсны дараа Лула болон түүний Ажилчдын намд сонгогчид бухимдаж эхлээд байжээ. Лула ийнхүү ялалт байгуулсан нь түүний улс төрийн замнал дахь эргэн эрэлтүүдийн нэг болов. 80 настай тэрбээр 2018-2019 онд авлигын хэргээр шоронд хоригдсон ч, хэргийг хэрэгсэхгүй болгож 2022 оны сонгуульд Жаир Болсонаротой өрсөлдөн ялсан юм.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.