Зарим голын урсгал нэмэгдэж, үерлэх эрсдэлтэй болжээ

Сүүлийн өдрүүдэд Монгол орны нийт нутгуудаар усархаг бороо их хэмжээгээр орсон. Үүнээс үүдэж зарим голын түвшин нэмэгдэж, үерлэх эрдсэл бий болоод байна.

Хөвсгөлийн уулсаас эхтэй Бэлтэс, Үүр, Хэнтий нурууны баруун хажуугийн Хараа, Ерөө, Туул, Зэлтэр, зүүн хажуугийн Онон, Хэрлэн голын эх болон дунд хэсгээр усны түвшин өмнөх өдрөөс 10-60 см нэмэгдсэн байна. Мөн  Үүр, Сөгнөгөр, Балж, Хэрлэн гол, Туул гол орчимд үерийн түвшинг 5-55 см, Хэрлэн гол Мөнгөнморьт сум орчимд үерийн аюултай түвшинг 10 см даван тус тус хүчтэй үерлэжээ. Түүнчлэн Ховд , Хархираа, Хариг зэрэг голууд үерийн түвшинг 10-20 см давжээ.  Хэрлэн гол, Эг гол, Туул голын усны түвшин 20-30 см нэмэгдэж, үерийн эрсдэл нүүрлээд байгааг холбогдох албаныхан сануулж байна.

Иймд дээр дурдсан гол болон гол мөрний сав газраар нутаглаж буй ард иргэд, аж ахуйн нэгж, аялж, амарч, зугаалж буй хүмүүсийг  үерийн аюулаас  сонор сэрэмжтэй байхыг анхааруулъя.

Х.ЭРХЭС

Энэ мэдээнд өгөх таны үнэлгээ

Хуваалцаарай Жиргээрэй