“Их хэмжээний мөнгө угаасан латви иргэн хилээр гарч, зугтсан”

Өнөөдөр ЦЕГ-аас олны анхаарал татсан эрүүгийн гэмт хэргүүдийн талаар товч мэдээлэл өглөө. Энэ үеэр ЦЕГ-ын Эрүүгийн цагдаагийн албаны мөрдөгч н.Билгүүдэй:

“Эрүүгийн цагдаагийн албанаас “Або плюс” компанийн дансаар их хэмжээний валют орж ирсэн талаар 2020.01.13 –ны өдөр хэрэг бүртгэлийн хэрэг нээж, мөрдөн шалгаж байна. 2018 онд үүсгэн байгуулагдсанаасаа хойш энэ компани нэр бүхий арилжааны банкуудаар дамжуулж 13 улс орноос олон удаагийн давтамжтай, нийт 24.5 тэрбум төгрөгийг шилжүүлэн авч, 7.8 тэрбумыг нь БНХАУ, БНСУ зэрэг 11 улс руу шилжүүлэх үйл ажиллагаа явуулсан.

Энэ хэргийг мөнгө угаах гэмт хэргийн шинжтэй гэж үзэн, арилжааны банкуудад эзэмшдэг дансанд нь 2020.01.13-ны өдөрт хязгаарлалт хийсэн. Латви улсын иргэн 2018 орны дөрөвдүгээр сард энэ компанийг үүсгэн байгуулсан. Дээрх иргэн 2019 оны арванхоёрдугаар сард Монгол Улсын хилээр гараад орж ирээгүй байна” гэлээ.

Г.САНСАРМАА

Өөрийн сэтгэгдлээ илэрхийл

Share Tweet