Олон улсын спортын сэтгүүлчид М.Лхагвагэрэлийн жинд хэнийг түрүүлнэ гэж таамаглав

Сербийн Белград хотноо болж буй бөхийн төрлүүдийн ДАШТ-ий эрэгтэй чөлөөт бөхийн 125 кг-ын жинд Монгол Улсын тамирчин ОУХМ Мөнхтөрийн Лхагвагэрэл өнөө шөнө Туркийн бөх, олимп, дэлхийн аварга Таха Акгультай алтан медалийн төлөө барилдах гэж байгаа билээ. Үүнтэй холбоотойгоор бид та бүхэндээ нэгэн сонирхолтой таамгийг хүргэж байна.

“USA Wrestling” жил бүр бөхийн төрлүүдийн ДАШТ-ий өмнө бөхийн төрлөөр дагнан бичдэг сэтгүүлчдээс гурван төрлийн жин бүрд аль, улсын ямар бөх түрүүлэх талаар таамаг авдаг уламжлалтай. Энэ жил сэтгүүлчид уламжлал ёсоор таамгаа ирүүлснээс нэг нь ч М.Лхагвагэрэлийг нэрлээгүй байна. Тэдний ихэнх нь Гүржийн бөх Гено Пертриашвилийг түрүүлнэ гэж таамагласан, харин Геног манай М.Лхагвагэрэл өчигдөр ялсан юм. Өөрөөр хэлбэл, манай бөх олон улсын сэтгүүлчдийн ихэнхийнх нь таамгийг эвджээ. Түрүүлбэл бүгдийнх нь таамгийг эвдэнэ.

Шөнийн барилдаанд харин Таха Акгуль ялбал Монголын сэтгүүлч, Монголын спортын сэтгүүлчдийн холбооны ерөнхийлөгч Б.Цагаанбаатар энэ жингийн түрүү бөхийг таасан, мэдлэг мэдрэмжтэй  хоёр сэтгүүлчийн нэг болох юм.  

АНУ-ын сэтгүүлч ГЭРИ ЭББОТТ

• Гено Петриашвили /Гүрж/

АНУ-ын сэтгүүлч ТОМ БАРАНОСКИ /АНУ/

• Гено Петриашвили /Гүрж/

АНУ-ын сэтгүүлч АДАМ ЭНЖЕЛ

• Гено Петриашвили /Гүрж/

АНУ-ын сэтгүүлч СИНА ЭТАМАДИ

• Амирхоссейн Заре /Иран/

Ираны сэтгүүлч АЛИ ФЕЙЗАСА

• Амирхоссейн Заре /Иран/

АНУ-ын сэтгүүлч ДЭН ФИККЕЛЬ

• Амирхоссейн Заре /Иран/

Японы сэтгүүлч ИКУО ХИГУЧИ

• Гено Петриашвили /Гүрж/

АНУ-ын сэтгүүлч ЖОН ЖОНСОН

• Гено Петриашвили /Гүрж/

АНУ-ын сэтгүүлч ГРЭГ КАУП

• Таха Акгуль /Турк/

АНУ-ын сэтгүүлч ЙОН КОЗАК

• Гено Петриашвили /Гүрж/

Сэтгүүлч РИЧАРД МАНН

• Амирхоссейн Заре /Иран/

АНУ-ын сэтгүүлч ДАВИД МИРИКИТАНИ

• Гено Петриашвили /Гүрж/

ОХУ-ын сэтгүүлч ПЕТР ПАВЛОВ

• Амирхоссейн Заре /Иран/

АНУ-ын сэтгүүлч УИЛЛИ СЭЙЛОР

• Гено Петриашвили /Гүрж/

АНУ-ын сэтгүүлч ЛАРРИ СЛАТЕР

• Амирхоссейн Заре /Иран/

АНУ-ын сэтгүүлч ИЙРЛ СМИТ

• Амирхоссейн Заре /Иран/

Монголын сэтгүүлч БЯМБААГИЙН ЦАГААНБААТАР

• Таха Акгуль /Турк/

Гэрэл зургийн эх сурвалж: MGL Sport

Энэ мэдээнд өгөх таны үнэлгээ

Хуваалцаарай Жиргээрэй