Финланд улс өнөөдрөөс ОХУ-ын жуулчдыг оруулахгүй
Финланд улс Шенгений визтэй ОХУ-ын жуулчдыг өнөөдрөөс хилээрээ оруулахгүй болжээ. Засгийн газар ингэж шийдсэнийг Гадаад харилцааны сайд Пекка Хаависто өчигдөр олон нийтэд танилцуулсан байна.
Түүний хэлснээр, Засгийн газраас ОХУ-ын жуулчдыг хилээрээ нэвтрүүлж байгаа нь Финланд улсын нэр хүндийг олон улсын тавцанд унагаж байгаа гэж үзжээ. Үүнээс гадна, В.Путин хэсэгчилсэн цэрэг дайчилгаа зарласны дараа тус улс руу орж ирэх оросуудын тоо хэд, дахин нэмэгдсэн нь үүнд нөлөөлсөн гэнэ.
Хельсинки Шенгений визтэй ОХУ-ын иргэдийг хилээрээ оруулахгүй төдийгүй дамжин өнгөрөх боломжийг нь ч хаасан байна. Гагцхүү оюутнууд, эрүүл мэндийн чиглэл, эцэг эх, ойрын хамаатан садантайгаа уулзах зорилготой, үүнийгээ холбогдох шаардлагын дагуу баталгаажуулсан иргэд л тус улс руу орж чадах гэнэ.
Финландын энэ алхмыг Кремль буруутгаж хүлээж авч буй бөгөөд ямар хариу арга хэмжээ авахаа ойрын үед зарлахаар болжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.