СПОРТ
Сагсан бөмбөгчид дэлхийн гран пригийн шигшээд анх удаа шалгарлаа
Сагсан бөмбөгийн 3х3 төрлийн энэ улирлын сүүлчийн дэлхийн гран при тэмцээн БНСУ-д үргэлжилж байна. Тус тэмцээнд Монголоос “Улаанбаатар ММС Энержи” багийнхан өрсөлдөнө. Э.Цэрэнбаатар, Д.Дэлгэрням, Э.Дөлгөөн, Г.Цэнгүүнбаяр нараар багаа бүрдүүлсэн тэд хагас шигшээд ОХУ-ын “Нева” багийг 14:12-оор хожлоо.
Ингэснээр манай багийнхан гран при ангиллын тэмцээнд анх удаа аваргын төлөө өрсөлдөхөөр болов. Тэд алтан медалийн төлөө “Фиран”, “Нью-Йорк халм” багийн хожсонтой нь тоглоно.
Манай сагсан бөмбөгчид шөвгийн наймд Сербийн алдбарт “Земун” багийг 17:16-гаар хожиж, хагас шигшээд шалгарсан юм. Хоёр баг өмнө нь дөрвөн удаа учраа таарахад “Земун” багийнхан гуравт нь хожсон. Энэ удаа даагаа нэхсэн юм.
Б.БУЯНДАЛАЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Илүү илүү!!!