Улаанбаатарт Хятадын нууц цагдаагийн газар ажилладаг уу
БНХАУ нь цагдаагийн нууц сүлжээг дэлхийн даяар ажиллуулдаг гэх дуулиант мэдээллийг newsweek.com цахим хуудас өнөөдөр олон нийтэд дэлгэлээ. “Safeguard Defenders” хэмээх ТББ-аас эх сурвалж авсан гэх тус мэдээлэлд өгүүлснээр, БНХАУ дэлхийн таван тивийн 21 улсын 25 хотод 54 салбар нэгжийг байгуулсан гэж бичсэн байх бөгөөд тэдгээрийн дунд Монгол Улс, Улаанбаатар хот байна.
Фучжоу, Цитянь мужийн Цагдаагийн газарт харьяалагддаг эдгээр цагдаагийн хэлтсүүд нь үндэстэн дамнасан гэмт хэрэгтэй тэмцэх нэрийн дор байгуулагдсан бөгөөд хилийн чанадад буюу тухайн цагдаагийн хэсэг байгуулагдсан улсад ажиллаж амьдардаг олон иргэдээ баривчлан БНХАУ руу шилжүүлсэн гэж уг мэдээлэлд бичсэн байна.
Тэр ч байтугай тухайн улсад суугаа өөрийн улсын иргэддээ төрийн үйлчилгээ, БНХАУ-ын жолоодох эрхийн үнэмлэх сунгах зэрэг үйлчилгээ үзүүлдэг болохыг “Safeguard Defenders” онцолжээ.
Хилийн чанадад зугтан гарсан этгээдийг нутагт нь үлдсэн гэр бүлийнхнээр нь дарамтлан сайн дураар нь нутаг буцаалгах ажил ч үүнд багтдаг гэнэ. Нууц цагдаагийн хэлтсүүд дээрх арга замаар 2021 оны дөрөөвдүгээр сараас 2022 оны долоодугаар сар хүртэлх хугацаанд 230 мянган сэжигтнийг нуцаг буцаасны ихэнх нь Зүүн хойд Азийн улс орнууд дахь салбарт ногдож байсныг эх сурвалжийн мэдээлэлд онцолсон байна. Манай улс мөн энэ бүс нутагт хамаардаг билээ.
БНХАУ-ЫН НУУЦ ЦАГДААГИЙН ГАЗАР АЖИЛЛАДАГ УЛС, ХОТУУД
Хойд Америк: АНУ-ын Нью Йорк, Канадын Торонто
Өмнөд Америк: Эквадорын Кито, Гуаякиль, Бразилийн Рио де Жанейро, Сан Паулу, Аргентиний Буэнос Айрес, Чилийн Винья дель Мар
Европ: Испанийн Мадрид /3 салбар/, Барселона /3 салбар/, Валенси /2 салбар/, Сантьяго-де-Компостела, Италийн Ром, Милан, Флоренц, Прато, Францын Парис, Португалын Дорту, Лиссабон, Мадейра, Английн Лондон, Шотландын Глазго, Нидерландын Амстердам, Роттердам, Чехийн Прага /2 салбар/, Унгарын Будапешт /2 салбар/, Ирландын Дублин, Словакийн Братислав, Германы Франкфурт, Грекийн Афин, Шведийн Стокхольм, Австрийн Вена, Украины Одесс, Сербийн Белград.
Африк: Нигерийн Бенин сити, Лесотогийн Масеру, Танзанийн Дар эс Салам.
Ази: МОНГОЛЫН УЛААНБААТАР, Узбекистаны Сырдарья, Брунейн Бандер сери бегаван, Японы Токио, Камбожийн Пномпень.
Дээрх жагсаалт нь бүрэн бус бөгөөд зөвхөн дээр дурдсан хоёр мужийн /Фучжоу, Цитянь/ цагдаагийн газартай холбоотой ажилладаг хэлтсүүд болохыг мэдээлэлд онцолжээ.
Дээрх цагдаагийн нууц хэлтсүүд нь тэрс үзэлтэн, улс төрийн хэрэгтнүүд дээр ажиллагаа явуулах нь олонтаа бөгөөд шударга шүүхээр шүүлгэх боломжийг нь хааж, олон улсын хэм хэмжээг зөрчдөг төдийгүй, хэлтэс байгуулагдсан улс, БНХАУ-ын хамтын ажиллагаа нь гуравдагч улсын эрх ашгийг ноцтой хохироож байж болзошгүй гэж newsweek.com онцолжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ингээд бичихээр нууц хэвээрээ юу?
Хужаа нар засгыг хянадаг байх
Ѳѳрийнхѳѳ иргэнийг гадна хянаж байгаа нь манайх шиг буурай оронд тустай л хэрэг. Манайхан хянах нь бүү хэл хахууль хээл аваад давраадаг нь түмний нүднээ ил болчихсон. Хятадуудыг хамга�##�сан асууд�##� түм байгаа.
БНХАУ Зөвхөн өөрсдийн иргэдийн хянах, нутаг буцаах зорилготой энэ байгууллага ажилладаг гэж бодохгүй байна!
Тухайн байршиж буй ул�####�а Тагнуулын үйл ажиллагаа явуулах Тандах, Нийгэм Улс төрийн үйл ажиллагаанд нөлөөлөх хөндлөнгөөс оролцох зорилготой байх...
МАНАЙ ТӨРИЙН УДИРДЛАГАТ ХУУАА НАР БАЙГАА ШҮҮ