Сагсан бөмбөгийн 3х3 төрлийн энэ улирлын сүүлчийн гран при тэмцээн БНСУ-д болж, дөнгөж сая аваргаа тодрууллаа. Тус тэмцээнд Монголоос “Улаанбаатар ММС Энержи” багийнхан өрсөлдсөн юм. Э.Цэрэнбаатар, Д.Дэлгэрням, Э.Дөлгөөн, Г.Цэнгүүнбаяр нараар багаа бүрдүүлсэн тэд аваргын төлөөх тоглолтод “Пиран” багийг 13:10-аар хожлоо.
Ингэснээр дэлхийн гран при ангиллын тэмцээнд Монголоос төдийгүй Ази тивээс анх удаа түрүүлж байгаа энэ.
Манай багийнхан хагас шигшээд ОХУ-ын “Нева” багийг хожиж, тус тэмцээний шигшээд анх удаа шалгарсан юм. Тэд шөвгийн наймд Сербийн алдбарт “Земун” багийг 17:16-гаар хожсон билээ.
Ингэснээр “Токио-2020” олимпын эрх авах чухал оноо цуглууллаа.
Тэмцээний MVP буюу үнэ цэнэтэй тоглогчоор Д.Дэлгэрням шалгарав.
Б.БУЯНДАЛАЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.