Тоглолт бүр 100-гаас дээш минут үргэлжлэх нь энэ ДАШТ-ий гол онцлог уу
Англи-Ираны тоглолтын үеэр шүүгч Рафаэль Клаус албан ёсоор 24 минутыг нэмж /Нэгдүгээр үед 14, хоёрдугаар үед 10 минут/, талбай дээр хэрэгжүүлэхдээ 27 минут 16 секунд нэмж тоглуулан ДАШТ-ий дээд амжилтыг тогтоолоо. Ираны хаалгач Алиреза Бейранванд Харри Кейний дамжуулсан бөмбөгийг таслах гэж яваад өөрийн багийн хамгаалагч Мажид Хоссейнитэй мөргөлдөж гэмтсэн тул тоглолтын цаг ийнхүү сунжирсан юм.
Ер нь, тоглолтын үргэлжлэх хугацаа урт байгаа нь энэ тэмцээний нэг гол онцлог болж байна. Ердийн үед шүүгч тоглолтын эхний үүед нэг минут, хоёрдугаар үед ихдээ 5 минутыг нэмж тоглуулдаг. Тэгвэл энэ ДАШТ эхлээд дөнгөж дөрвөн тоглолт өнгөрч байхад гурав нь 100+ минут үргэлжлээд байна.
ТОГЛОЛТ ҮРГЭЛЖИЛСЭН ХУГАЦАА
Катар – Эквадор – 100 минут, 18 секунд
Англия – Иран – 117 минут, 16 секунд
Сенегал – Нидерланд – 102 минут, 49 секунд
АНУ – Уэльсийн тоглолтын хоёрдугаар үед шүүгч 9 минут нэмсэн ч талдбай дээр 10 минут 34 секунд тоглуулжээ. Даваа гарагт болсон гурван тоглолтын шүүгчийн мэдлийн цаг гэхэд бүтэн тоглолтын нэг үе буюу 45 минутаас илүү байна.
УЧИР НЬ ЮУ ВЭ
Хөлбөмбөгийн үргэлжлэх хугацаа нь 45+45 буюу 90 минут, гэхдээ бохир цагаар явагддагийг бид мэдэж байгаа. Үүн дээр тоглолт тасалдсан тохиолдолд шүүгч үзэмжээрээ цаг сунгаж болдог. Хуучин бол гэмтэл бэртэл 1 минут, сэлгээнд 30 секундыг тооцож нэмдэг нийтлэг жишиг байсан. Тэгвэл энэ удаагийн ДАШТ-д энэ байдал мэдэгдэхүйц өөрчлөгджээ.
Тоглолтод үндсэн нэг шүүгчээс гадна туслах хоёр шүүгч гаргадаг болсон. Энэ хоёр туслахынх нь нэгний гол үүрэг нь тоглолт тасалдсан хугацааг тооцох аж. Өөрөөр хэлбэл, тоглогч гэмтэж, тоглолт тасалдмагц цагаа тоолж, үргэжилсэн тохиолдолд зогсоож, нарийн мэдээлэл гаргаж ирдэг байна. Улмаар ерөнхий шүүгчид мэдэгдсэнээр нэмэлт цагийг тооцож байгаа ажээ. Энэ журам нь тоглолтын үргэлжлэх хугацааг нэмж байгаа ч үгндсэн зорилго нь тоглолтын цэвэр цаг болох 45 минутыг хангах учир буруутгах боломжгүй юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.