АНУ-ын Үнэт цаас, биржийн комисс (SEC) Линдси Лохан, Жейк Пол тэргүүтэй найман алдартан нэр бүхий хоёр хууль бус крипто токеныг сурталчилж, мөнгө авсан болохыг зарлалаа.
Тэд өөрсдийн сошиал хуудсаар токенуудыг сурталчилж, худалдаж авахыг дагагчдадаа ятгаж байсан аж. Ингэснээрээ хууль бус крипто сүлээнд оролцож, иргэдийг хохирооход нөлөөлсөн гэж АНУ-ын Үнэт цаас, биржийн комисс (SEC) үзэж байгаа юм байна.
Буруутгагдаад буй бусад зургаан алдартан нь:
- Хөгжимчин Soulja Boy (Уэй ДеАндре Кортес)
- Дуучин Остин Махоуни
- Порно жүжигчин Кендра Ласт (Мишель Мейсон)
- Рэппер Лил Яхти (Майлз Паркс МакКоллум)
- Хөгжимчин Не-Йо (Шаффер Смит)
- Сенегал-АНУ-ын дуучин Алиаун Тиам (Экон) нар.
Дээрх оддыг TRX, BTT крипто токеныг сурталчилсан, ингэхдээ үүсгэн байгуулагчдаас нь төлбөр авсан гэдгээ дагагчдаасаа нуусан гэж буруутгасан байна.
Оддоос гадна, тэднээс сурталчлуулах ажлыг зохион байгуулсан Жастин Сан, хятад гаралтай бизнесмэн Сунь гэгчийг мөн буруутгажээ. Сунь нь Уоррен Баффеттай цуг хооллохын тулд 4.6 сая ам.доллар төлж байсан гэдгээрээ алдартай нэгэн аж.
Дээрх хэргийнхээ төлөө Линдси Лохан 40 000, Жейк Пол 100 000 гаруй ам.долларыг АНУ-ын Үнэт цаас, биржийн комисс (SEC)-т торгууль байдлаар төлжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.